Lajme

Serbia me një propozim “katër pikësh” për shtensionim në veri, e përfshin edhe Asociacionin

Autori: Gazeta inFokus 18:34 | 25 June 2023

Ministri i Mbrojtjes i Serbisë, njëherit edhe zëvendëskryeministër, Millosh Vuçeviq, ka paraqitur “katër pika” të cilat, sipas tij, “do të ishin bazamenti për shtensionim” të situatës në pjesën veriore të Kosovës.

“Duhet të ketë bisedime, një nga një, rreth atyre të arrestuar paligjshëm. Duhet të ketë bisedime për tërheqjen e njësive speciale. Duhet të ketë bisedime për themelimin e Asociacionit të Komunave (të banuara me shumicë) Serbe dhe të flasim për pjesëmarrjen e serbëve në zgjedhjet vetëqeverisëse lokale. Në mendimin tim, këto janë katër pikat që duhet të jenë bazamenti i zgjidhjes së kësaj situate, nëse me të vërtetë duam të lëvizim në drejtimin e shtensionimit”, ka thënë Vuçeviq, siç e citoi veten në rrjetin e tij në Instagram.

Vuçeviq fajëson “politikat e Albin Kurtit” për “rrezikim të sigurisë së Serbisë”.

-Advertisement-

“Ai thelbësisht imponon politikat e tij përmes dhunës dhe veprimeve të njëanshme. Prandaj jam jo rehat kur them se nuk jam i sigurt se shoh zgjidhje përmes mjeteve politike, dhe zoti e bëftë që të jetëm, sepse Serbia ka nevojë për këtë”, ka thënë ai.

Subscribe në YouTube: GAZETA INFOKUSI