Lajme

Serbia i ndalon vizitën në Beograd një delegacioni nga Kosova

Autori: Gazeta inFokus 11:39 | 31 Tetor 2018

Një delegacion kosovarë nuk do të mund të udhëtoj në Beograd pasi këtë nuk e ka lejuar shteti serb, shkruan Gazeta inFokus.

Delegacioni ka Kosova kishte planifikuar të merrte pjesë në konferencën “Pavarësia Ekonomike e grave rome: sfidat dhe shkaqet e hershme”, që ishte paraparë të mbahej nga data 31 Tetor deri më datën 1 Nëntor në Beograd.

E për këtë ka reaguar Ministria e Jashtme e Kosovës.

-Advertisement-

Përmes një komunikate për medie MPJ ka deklaruar se ky veprim është i papranueshëm.

“Ministria e Punëve të Jashtme shpreh keqardhje të thellë, e konsideron si absolutisht të papranueshme, shkelje me paramendim të Marrëveshjes për Përfaqësim të Kosovës në Nismat dhe Organizatat Rajonale dhe Lirinë e Lëvizjes së lirë si parim fundamental evropian veprimin e fundit të autoriteteve zyrtare të shtetit fqinj – Serbisë, për pengesat dhe moslejimin e pjesëmarrjes së delegacionit të Republikës së Kosovës në Konferencën: “Pavarësia Ekonomike e grave rome: sfidat dhe shkaqet e hershme”, që ishte paraparë të mbahej nga data 31 Tetor deri më datën 1 Nëntor në kryeqytetin e shtetit fqinj – Beograd. Ministria e Punëve të Jashtme e Republikës së Kosovës kishte ndërmarrë me kohë të gjitha hapat dhe veprimet dhe kishte njoftuar autoritetet përgjegjëse të shtetit fqinj në lidhje me vizitën dhe përbërjen e delegacionit të Republikës së Kosovës në këtë ngjarje, por vetëm disa orë para mbajtjes së aktivitetit është njoftuar nga Qeveria e Serbisë se “delegacioni nga Kosova në asnjë mënyrë nuk mund të marrë pjesë në konferencë””, thuhet në kumtesën e MPJ-së./Gazeta inFokus