Lajme

Serbia fillon ndërtimin e Autostradës së Paqes Nish-Prishtinë-Durrës

Autori: Gazeta inFokus 10:42 | 21 December 2017

Serbia do të fillojë vitin e ardhshëm ndërtimin e seksionit të parë të së ashtuquajturës Autostrada e Paqes Nish-Prishtinë-Durrës, deklaroi zëvendëskryeministrja serbe, njëkohësisht edhe ministre e Ndërtimit, Transportit dhe Infrastrukturës, Zorana Mihajloviç.

”Seksioni Nish-Ploçnik është 36 kilometra i gjatë, ndërkohë që i gjithë projekti kushton 212 milionë euro”, deklaroi Mihajloviç duke shtuar se të dhënat financiare ishin ende paraprake.

”Ky seksion do të ndërtohet me ndihmën edhe të Bankës Evropiane të Investimeve (EIB) dhe Bankës Evropiane për Rindërtim dhe Zhvillim (BERZH)”, shtoi ajo.

-Advertisement-

Mihajloviç tha se projekti i dokumentacionit ishte financuar nga Fondi i Ballkanit Perëndimor. “Nuk ka rrugë që nuk është domethënëse për Serbinë.

Kjo rrugë nënkupton lidhjen me rajonin. Serbia nuk ka det dhe kjo është arsyeja që ajo ka nevojë për porte”, deklaroi zëvendëskryeministrja serbe, njëkohësisht edhe ministre e Ndërtimit, Transportit dhe Infrastrukturës, Zorana Mihajloviç.

Subscribe në YouTube: GAZETA INFOKUSI