Lajme

Serbi i Beogradit me shqipe të kulluar: Përmes këngëve zbulova bukurinë e gjuhës shqipe (Video)

Autori: Gazeta inFokus 09:01 | 03 November 2017

Në konferencën për shtyp të ‘Skënderbeut’ në Beograd, ra në sy, veç të tjerave, edhe një shqipe e kulluar e përkthyesit në krah të trajnerit shqiptar.Ai quhet Filip Vukadinoviq dhe është nga të paktët serbë që ka ngulmuar për të studiuar gjuhën shqipe.

“Kam dëgjuar një këngë në Youtube dhe thjesht më pëlqeu gjuha. Më pas, vazhdova të dëgjoja këngë të tjera dhe zbulova bukurinë e gjuhës shqipe. Krejt rastësisht, zbulova që kishte katedër të gjuhës shqipe në Beograd.

Vendosa të regjistrohem aty. Kam studiuar në Beograd gjuhë dhe letërsi shqipe dhe më pas u regjistrova për master në Tiranë. Masterin e kam përfunduar për gjuhësinë e sotme të shqipes.

-Advertisement-

Në fillim ishte e çuditshme, pasi të gjithë më pyesnin pse zgjodha shqipen, por u mësova me këto pyetje”, shpjegon Filip Vukadinoviq, raporton TCH.Përkthyesi zyrtar i Skënderbeut ka lindur në Sarajevë, por u largua prej luftës, duke u rritur në Beograd. Jeta më pas e çoi në 3 vitet e fundit në Tiranë.

 

Subscribe në YouTube: GAZETA INFOKUSI
Etiketa:
MYZHDE për krejt!

Të tjera

Fokusi

lajme