Fun & Video

Serbët vjedhin kurorën milionëshe nga muzeu në Francë (Video)

Autori: Gazeta inFokus 10:58 | 15 May 2017

Natën në mes të premtes dhe të shtunës u vodh kurora e Madonës nga shekulli i 19 me rreth 1.800 gurë të çmueshëm nga Muzeu i Arteve Religjioze në Lion, në Francën qendrore, kanë kumtuar përfaqësuesit e muzeut.

Stolia e vjedhur, sipas vlerësimeve të para, kap vlerën e së paku një milion euro, dhe dyshohet se plaçkitjen e kanë organizuar kriminelët e grupit “Pink Panter”, në mes të cilëve janë më së shumti serbë.

“Hajnat janë futur në muze pikërisht në orën 3:27 dhe arritën të paaftësojnë sistemin e sotisfikuar të sigurisë”, transmetojnë mediet franceze.

-Advertisement-

Kriminelët të organizuar mirë për një kohë të shkurtër kanë vjedhur ekzemplarin qendror të koleksionit.

“Policia shpejt arriti në vendin e ngjarjes dhe, sipas vlerësimeve të tyre, në vjedhje kanë marrë pjesë disa persona, të cilët ishin të përgatitur mirë për këtë ndërmarrje”, pretendojnë ata.

Nga muzeu francez kanë shpjeguar se kurora ishte e përbërë nga 1.791 copë gurë të çmuar dhe margaritarë.

Vitin e kaluar çdo gur në kurorë ishte regjistruar me kujdes, gjë që mund të lehtësoj zbulimin e hajnave.

Përveç kurorës, e cila mund të arrijë vlerën edhe deri në dy milionë euro, hajnat kanë vjedhur edhe një unazë dhe një kupë.

Subscribe në YouTube: GAZETA INFOKUSI

Të tjera

Fokusi

fun-video