Lajme

Serbët tregojnë armët, parada me armë e tanke të dhuruar nga Rusia

Autori: Gazeta inFokus 15:43 | 21 Tetor 2017

Serbia e kremtoi me një paradë ushtarake dhe një shov ajror 73-vjetorin e çlirimit të kryeqytetit të saj gjatë Luftës së Dytë Botërore. Parada ku u përfshinë 2.500 trupa të këmbësorisë, parashutistë dhe njësi speciale të anti-terrorizmit u zhvillua në bazën ajrore të Batajnica-s, në periferi të Beogradit.

130 automjete ushtarake, tanke e raketa-hedhëse u ekspozuan në event, së bashku me 30 avionë dhe helikopterë, përfshirë këtu edhe MiG-un 29 të dhuruar presidentit serb Aleksandar Vuçiç nga ministri rus i Mbrojtjes Sergei Shoigu, përpara fillimit të stërvitjes ushtarake.

Fjalimin e mbajtur me këtë rast, Vuçiç e përdori për të treguar se Serbia po i forcon ndjeshëm forcat e saj mbrojtëse.

-Advertisement-

“Është e pamundur për çdo kriminel që të përpiqet të sulmojë e të dëmtojë Serbinë dhe t’ia hedhë paq. Ne e mbrojmë me vendosmërinë më të madhe sovranitetin kombëtar dhe sigurinë territoriale të këtij vendi e të gjithë qytetarëve të tij”, tha Vuçiç.

Kreu i shtetit serb theksoi edhe një herë se vendi është në procesin e anëtarësimit në Bashkimin Europian, por pavarësisht kësaj do të vazhdojë të ruajë një marrëdhënie të ngushtë e miqësore me Rusinë dhe Kinën. Pas paradës dhe spektaklit ajror, ushtarët kryen manovra të fokusuara tek anti-terrorizmi dhe situata pengmarrjeje. 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy