Lajme

Sëmuret Ramiz Kelmendi, nuk merr pjesë në seancën e Demarkacionit

Autori: Gazeta inFokus 14:57 | 20 March 2018

Deputeti i Lidhjes Demokratike të Kosovës, Ramiz Kelmendi, tha për KALLXO.com se ai nuk do të marrë pjesë në seancë e sotme ku pritet të votohet për marrëveshjen e demarkacionit me Malin e Zi.

Ai tha se do të mungojë “për shkaqe shëndetësore”.

Kelmendi tha për KALLXO.com se e ka të paracaktuar një trajtim shëndetësor prej orës 17:00 dhe ai pret të zgjasë rreth 5 orë.

-Advertisement-

“Sot nuk mundem me qenë në seancë, kam trajtim shëndetësor që zgjat 5 orë, deri në orën 10, e unë nuk mund të marr pjesë për shkak të vlerave dhe helmeve në trupin tim që rriten”, tha Kelmendi.

Ai tregon se qëndrimi i tij në Kuvend do të ishte kundër apo abstenim.

“Qëndrimi im është kundër apo abstenim. Goja ime asnjëherë se ka thënë që unë do ta votoj demarkacionin, asnjëherë”, tha Kelmendi për KALLXO.com.

Tutje deputeti i LDK-së ka folur edhe për komentet e njerëzve nëpër rrejtet sociale se do të refuzojnë të shërben në kompaninë e tij “Elkos” nëse Kelmendi nuk e voton demarkacionin me Malin e Zi.

“Na kemi pas tri vjet gaz e protesta, i kemi ba dëm Kosovës, se për dëmin tim, kjo është çështje e vogël. Na i kemi ba dëm Kosovës, se për dëmin që i bëjmë “Elokosit” është çështje e vogël. Kosova dhe “Elkosi” kanë dallim”, tha Kelmendi për KALLXO.com.

I pyetur për komentet se ai po e kalkulon votën që të marrë diçka në këmbim, Kelmendi mohoi këtë mundësi.

“Unë pare kam, ekonomi kam mjaft, unë nuk merrna me kushtëzime, nuk kam nevojë. Nuk e kam kushtëzu as atëherë kur është zgjedhur Presidenti e që është varë prej votës time”, tha Kelmendi për KALLXO.com

Vazhdimi i seancës për Demarkacionin do të fillojë sot në orën 16:00.

Zyrtarë të LDK-së kanë deklaruar disa herë se grupi parlamentar i LDK-së i ka të gjitha votat pro kësaj marrëveshje.

Subscribe në YouTube: GAZETA INFOKUSI