Lajme

Selmanaj: Procesi zgjedhor po ecën mbarë

Autori: Gazeta inFokus 17:14 | 19 November 2017

Lidhja demokratike e Kosovës (LDK) vlerëson se procesi zgjedhor po ecën mbarë.

Driton Selmanaj në një konferencë për media u bëri thirrje qytetarëve të dalin dhe të votojnë.

“Sipas të dhënave tona deri në orën 15 dalja e qytetarëve të Kosovës me të drejtë vote është diku rreth 25 për qind.. Vlerësimi jonë është që në përgjithësi procesi zgjedhor po ecën mbarë. Kanë mbetur dhe pak orë deri në përfundim të këtij procesi. Prandaj ne iu bëjmë thirrje të gjithë njerëzve që jetojnë në Kosovë , që kanë të drejtë vote, që të dalin në zgjedhje sa më masovisht, në mënyrë që të realizojnë të drejtën kushtetuese dhe kështu ne mund të dhe marrim përgjegjësi për të ardhmen e fëmijëve tanë. Jemi në orët fundit ku na kanë mbetur diku dhe dy orë e gjysmë, prandaj në mënyrë që të realizojmë të drejtën tonë më elementare, për t’i dhënë përgjegjësi njerëzve të cilët kanë me qeveri me jetët tona dhe me të ardhmen tonë. Iu bëjmë thirrje të gjitha atyre që nuk e kanë realizu këtë të drejtë të dalin dhe të votojnë”, tha ai.

-Advertisement-

Selmanaj gjithashtu i bëri thirrje të gjitha palëve që janë të përfshirë në procesin e administrimit të procesit zgjedhor të jenë në krye të detyrës, në mënyrë që edhe procesi i votimit dhe më pas edhe ai i numërimit të shkojë në mënyrën më të mirë të mundshme, me qëllim që mos të dëmtohet si proces në përgjithësi.

Subscribe në YouTube: GAZETA INFOKUSI