Driton Selmanaj, deputet dhe anëtar i Forumit për Transparencë Parlamentare, ka thënë se para se të vijnë në fazën e nismës legjislative duhet më shumë investime në krijimin e besimit reciprok në mes politikës dhe njerëzve që jetojnë në Kosovë.

“Kur e them besimit reciprok, e them që njerëzit duhet të na besojnë neve si politikë, që nismat e tyre edhe nëse vijnë në Kuvend duhet të marrin epilogun së paku një përqindje të dëshiruar”, ka thënë Selmanaj.

Sipas tij, nëse nismat legjislative nga qytetarët e Kosovës përfundojnë pa epilog pozitiv, atëherë qytetarët do të mendojnë se këto nisma janë të kota.

-Advertisement-

“Nuk e them qind për qind që nisma të merr përkrahjen e deputetëve sepse mund të ketë dallime në koncepte dhe ide, por nëse kemi disa nisma legjislative nga njerëzit që jetojnë në Kosovë dhe ato kanë përfunduar pa epilog pozitiv, cili është mesazhi që bartet tek njerëzit, kot e keni mundohuni sa të doni se janë njo 120 veta atje që në fund vendosin sipas bindjeve të tyre politike, nismat e tyre bien për tokë”, ka thënë tutje Selmanaj.

Selmanaj në tryzesën ku u prezantua Doracaku për nisma legjislative nga qytetarët, po ashtu ka thënë se ky besim duhet të ndërtohet jo vetëm në bazë të nismave legjislative por edhe në kontekste tjera.

“Sikur ka një hendek të pakuptimtë të krijuar në mes politikës dhe njerëzve që jetojnë në Kosovë”, u shpreh ai.

Tutje Selmanaj, ka thënë se edhe përkundër që kanë arritur në nivel të partneritetit të bashkëpunimit me shoqërinë civile dhe grupet tjetra, ky bashkëpunim nuk ka avancuar edhe në aspektin përmbajtjesor.

Ndryshe, Instituti i Kosovës për Drejtësi (IKD), në kuadër të Ditës Ndërkombëtare të Demokracisë, së bashku me Forumin për Transparencë Parlamentare të Kuvendit të Kosovës dhe me përkrahje të Rockefeller Brothers Fund (RBF), të premten në Kuvendin e Kosovës, ka publikuar “Doracakun për nisma legjislative nga qytetarët”. /BetimipërDrejtësi

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-