Lajme

Selmanaj: Dialogu të mbyllet sa më shpejt, Serbia s’ka ndryshuar dhe BE-ja e kuptoi më 24 shtator

Autori: Gazeta inFokus 11:50 | 08 October 2023

Deputeti i Lidhjes Demokratike të Kosovës, Driton Selmanaj tha se komuniteti ndërkombëtar po reflekton pas sulmit të 24 shtatorit në Banjskë të Zveçanit.

Selmanaj tha se ky “është rasti që tregon urgjencë për përmbylljen e procesit”, duke iu referuar dialogut. Ai thotë se kjo është në interes të Kosovës.

“Rasti i tillë ka treguar se ata kanë interes që Kosovën ta mbajnë edhe më tutje si konflikt i ngrirë. Andaj është në interes jetik të Kosovës që ky proces të mbyllet”, tha ai për Arbresh.info.

-Advertisement-

Ky rast, siç thotë Selmanaj, duhet të shërbejë edhe për kryeministrin e Kosovës, Albin Kurti që të reflektojë që të bashkëpunojë më shumë me aleatët dhe të angazhohet në përmbylljen e dialogut.

Subscribe në YouTube: GAZETA INFOKUSI