Me rastin e 28 Nëntorit, Ditës së Flamurit dhe ditëlindjes së komandantit Adem Jashari, OVL e UÇK-së ndau dekorata për Mujë Krasniqin, Rexhep Selimin, Daut Haradinajn dhe Halit Gecin, për kontributin e dhënë në luftën çlirimtare të Kosovës.

Ish-luftëtari i UÇK-së, Rexhep Selimi, vlerësoi tha se ndjehet i nderuar për dekoratat që OVL e UÇK-së ka ndarë për të dhe luftëtarë tjerë, ndërsa theksoi se nuk e sheh veten si protagonist të UÇK-së, porse ka qenë vetëm rastësi që disa nga ta të jenë më afër kamerave.

Gjatë fjalës së tij, Selimi tha se Ushtria Çlirimtare e Kosovës nuk lindi më 28 nëntor, ajo ekzistonte qysh më parë dhe lindi kur komandanti Adem Jashari i ktheu pushkën Serbisë, kurse e si e tillë lindi dhe u rrit edhe kur ra Zahir Pajaziti, Luan Haradinaj, Adrian Krasniqi e dëshmorë të tjerë.

Ai nuk la pa përmendur edhe rënien e mësuesit Halit Geci, ku tha se dalja në dritë e UÇK-së lidhet pikërisht me emrin e tij.

“Sa herë vjen 28 nëntori ne e shohim veten jo protagonistë. E shohim pjesë tuajën, pjesë të atyre që sakrifikuan, pavarësisht që ne ishim më afër kamerave. Atë ditë ndodhi ajo që çdo ditë e bënë luftëtarët e UÇK-së, qoftë në Drenicë, qoftë në Dukagjin, qoftë në Llap e kudo që ishin. 4’27” Kjo datë më së shumti u atribuohet luftëtarëve të UÇK-së, e në këtë rast më së shumti Mujë Krasniqit, i cili asaj dite i qëndroi besnik deri në fund dhe u përjetësua më rënien e tij. Kështu që t’i kujtojmë gjithë ata që i kanë dhënë kësaj date, gjithë ata që kanë dhënë në lirinë për Kosovën, mjafton të jemi në rrugën e tyre”, u shpreh Selimi.

Kryetari i Organizatës të Veteranëve të Luftës të UÇK-së, Hysni Gucati, gjatë leximit të një historiku të shkurtër por plot vlerë të 28 Nëntorit të shqiptarëve, ku kishte renditur kronologjikisht ngjarjet që e shënojnë këtë datë, veçoi edhe Ushtrinë Çlirimtare të Kosovës, për të cilën tha se ishte UÇK-ja ajo që ndërroi kahjen e historisë më të re të popullit shqiptar.

Ndërsa theksoi se organizimi i sotëm u bë për të mos harruar asnjëherë sakrificën e dëshmorëve që ranë për lirinë e Kosovës.

“Jemi tubuar sot, pikërisht në 28 nëntorin e shqiptarëve e të Shqipërisë, që të festojmë 28 nëntorin së bashku, duke mos harruar asnjëherë sakrificën e popullit shqiptarë dhe luftërat e tyre për lirinë, bashkimin dhe rolin, protagonistët e ngjarjeve historike, burrat dhe gratë që u flijuan për lirinë e atdheut. Ishte UÇK-ja ajo që ndërroi kahjen e historisë më të re të popullit shqiptar”, tha ai.”, tha ai.

Nesër më 28 Nëntor, bëhen 20 vjet prej daljes publike të Ushtrisë Çlirimtare të Kosovës, datë kjo që korrespondon edhe me ditëlindjen e Komandantit legjendar Adem Jashari.

BLACK FRIDAY ME ZBRITJE DERI 70%

Sponsoruar