Lajme

Sekuestrohen tri armë zjarri, dy prej tyre janë përdorur për tentim vrasje dhe gjuajtje me armë

Autori: Gazeta inFokus 15:45 | 05 June 2023

Policia e Kosovës ka sekuestruar tri armë, dy prej të cilave janë përdorur për gjuajtje me armë në Mramor dhe për tentim vrasje në Podujevë.

“Policia e Rajonit të Prishtinës, respektivisht hetuesit e stacioneve policore, Veriu dhe Podujeva, dje kanë sekuestruar tri armë zjarri, dy nga të cilat personat e dyshuar i kanë përdorë në dy raste (Mramor -gjuajtje me armë dhe Podujevë -tentim vrasje)”, thuhet në njoftimin e policisë.

Sipas policisë, operacionet policore janë ndërmarrë në koordinim me prokurorin e shtetit ku pas identifikimit të lokacioneve dhe personave të dyshuar, kanë shoqëruar në polici personat e dyshuar dhe kanë sekuestruar tri armë zjarri.

-Advertisement-

Pas përfundimit të të gjitha procedurave të nevojshme policore ndaj personave të dyshuar janë iniciuar raste për posedim dhe përdorim të armës.

Subscribe në YouTube: GAZETA INFOKUSI