Lajme

Sekretari britanik për dërgimin e trupave: Do ta ruajnë paqen në Kosovë, do ta bëjnë krenare Mbretërinë e Bashkuar

Autori: Gazeta inFokus 23:09 | 01 October 2023

”Unë e di që ushtarët tanë në Kosovë do të na bëjnë krenarë”, ka thënë Rt Hon Grant Shapps, sekretar i mbrojtjes në Mbretërinë e Bashkuar.

Në fjalimin e tij, ai tha se 400 burra shërbyes do t’iu bashkohen forcave paqëruajtëse në Kosovë.

Ky shtim i trupave ndërkombëtare në Kosovë vjen pas sulmit terrorist në veri të Kosovës më 24 shtator, ku mbeti i vrarë polici, Afrim Bunjaku.

-Advertisement-

Pas asaj ngjarjeje, sekretari britanik i mbrojtjes tha se ka pasur kërkesë urgjente të NATO’s për shtimin e forcave.

”Pas një kërkese urgjente të NATO-s, kam autorizuar aktivizimin e një batalioni të ushtarëve britanikë për të ruajtur paqen në Kosovë”.

“Në ditët në vijim, qindra burra dhe gra do të vendosen për të garantuar sigurinë dhe lirinë e të gjithëve në Kosovë dhe e di që do ta bëjnë Mbretërinë e Bashkuar krenare”, ka thënë ai.

After an urgent request from NATO, I’ve authorised the activation of a battalion of British soldiers to keep the peace in Kosovo

In the coming days, hundreds of service men & women will deploy to ensure the safety & freedom of all in Kosovo and I know they will do the UK proud pic.twitter.com/ybsEgX0FbR

— Rt Hon Grant Shapps MP (@grantshapps) October 1, 2023