Lajme

Sejdiu: Lajmi për vdekjen Shyqri Nimanit është i dhimbshëm, la gjurmë që nuk shlyhen

Autori: Gazeta inFokus 17:32 | 22 June 2023

Ish-presidenti i Kosovës, Fatmir Sejdiu, përmes një postimi në Facebook, është shprehur se lajmi për vdekje ne akademikut, Shyqri Nimanit është i dhimbshëm.

Ai është shprehur se Nimani ka lënë gjurmë që nuk shlyhen.

“La gjurmë që nuk shlyhen. Lajmi për vdekjen e Akademik Shyqri Nimanit është i dhembshëm. Është kjo një ndarje nga krijuesi i shumë veprave në fushën e artit dhe e pikturës grafike me vlera të larta artistike si dhe i profesorit të shumë gjeneratave në ngritjen e të cilave u angazhua gjithë jetën e tij”, shkroi ai.

-Advertisement-

Ai ka shkruar edhe për periudhën e përgatitjeve për shpalljen e Pavarësisë së Kosovës dhe vendimin që Nimani ta shkruajë në pergament tekstin e Deklaratës së Pavarësisë, përcjell Klankosova.tv.

“Në ditët e përgatitjeve për shpalljen e Pavarësisë së Kosovës, atëherë kur çdo minutë e kishte vlerën e vet të shumëfishme, së bashku me kryeministrin e vendit, morëm vendim që Akademik Shyqri  Nimani ta shkruajë në pergament tekstin e Deklaratës së Pavarësisë së Kosovës. Ishte kohë shumë e shkurtër”.

“Në bisedën që kishim me të, krahas shqetësimit për kohën që kishte në dispozicion, ai kishte edhe besimin se do t’ia dalë. Ishte i bindur se pesha e atij akti do të lë gjurmë të pashlyeshme në historinë e Kosovës. Për mrekulli, Profesor Shyqri Nimani ia doli që të përmbushi zotimin e dhënë! Teksti i Deklaratës ishte i gatshëm që të vëhet para përfaqësusëve të popullit për miratim.  Ishte ky një mision i përmbyllur në zenitin e punës së tij.  Prandaj, prehu i qetë Profesor i nderuar, gjurmët e veprës Tuaj janë të pashlyeshme”, thuhet tutjë në shkrimin e Sejdiut.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme