Lajme

Seanca e jashtëzakonshme për Demarkacionin nesër në ora 10

Autori: Gazeta inFokus 15:06 | 27 Shkurt 2018

Edhe pse zyrtarisht nuk ka vota për miratimin e projektligjit për marrëveshjen për Demarkacionin me Malin e Zi, nesër do të vazhdoj seanca e jashtëzakonshme nga ora 10:00.

Në njoftimin e Kuvendit thuhet se Seanca e Jashtëzakonshme, i vazhdon punimet nesër e mërkurë, më 28 shkurt, me fillim në orën 10:00, në sallën e Kuvendit.

Ndërkohë, zyrtarisht si nga Lëvizja Vetëvendosje dhe nga Lista Serbe kanë theksuar se nuk do ta votojnë këtë projektligj.

-Advertisement-

Aktualisht janë vetëm 78 deputetë pro marrëveshjes për Demarkacionin, vota këto të pamjaftueshme për ratifikim në Kuvend të kësaj marrëveshjeje ndërkombëtare.

Nevojiten edhe 2 vota, në mënyrë që Kuvendi i Kosovës ta ratifikoj këtë marrëveshjeje.