Lajme

Scholz takon ndaras Kurtin e Vuçiqin, këto do të jenë temat e diskutimeve

Autori: Gazeta inFokus 17:03 | 29 April 2022

Kancelari i Gjermanisë, Olaf Scholz, më 4 maj takon ndaras kryeministrin e Kosovës, Albin Kurti, dhe presidentin serb, Aleksandar Vuçiq, shkruan Reporteri.net.

Në njoftimin mbi agjendën e takimeve të publikuar në faqen zyrtare të Qeverisë gjermane, thuhet se kancelari gjerman takon Kurtin në orën 15:00, ndërsa Vuçiqin në 17:30.

Sa i përket takimit me kryeministrin Albin Kurti, theksohet se Scholz do të takohet në Berlin, ndërsa temë e bisedimeve do të jetë përafrimi i Kosovës në procesin drejt anëtarësimit të Republikës së Kosovës në Bashkimin Evropian dhe NATO.

-Advertisement-

Ndërkaq, në takimin me Aleksandar Vuçiqin do të diskutojnë për çështjet dypalëshe Serbi-Gjermani, dhe çështjet ekonomike dhe rajonale.

Po ashtu, në njoftim thuhet se fokusi i një diskutimi të përbashkët do të jetë koordinimi i mëtejshëm mbi luftën dhe agresionin rus kundër Ukrainës, si dhe çështjet dypalëshe dhe rajonale.

Kurti e Vuçiqi pritet që në Berlin të takohen në prani të ndërmjetësuesit të Bashkimit Evropian për dialogun, Miroslav Lajçak, që po ashtu do të jetë në Berlin me ftesë të Scholzit. /Reporteri.net

Subscribe në YouTube: GAZETA INFOKUSI

Të tjera

Fokusi

lajme