Lajme

Scholz mbështet integrimin e Ballkanit Perëndimor në BE, por me një kusht

Autori: Gazeta inFokus 12:46 | 16 October 2022

Kancelari gjerman Olaf Scholz u shpreh pro zgjerimit të Bashkimit Evropian në Kongresin e Partive Socialiste në Berlin.

“Një BE me 27, 30, 36 shtete dhe me më shumë se 500 milionë qytetarë të lirë e të barabartë mund ta forcojnë edhe më shumë rëndësinë e vet në botë”, tha Scholz.

Në fjalën e tij, kancelari gjerman iu përgjigj edhe kritikave të vazhdueshme të kryeministrit Edi Rama, për vonesën e anëtarësimit të Shqipërisë në BE.

-Advertisement-

Scholz iu tha Ramës se i qëndron idesë për zgjerimin e unionit, por me kushtin që vendet kandidate duhet të përmbushim domosdoshmërisht kriteret.

“Edi sapo konfirmova mbështetjen tonë për integrimin e Ballkanit Perëndimor në Bashkimin Europian. Mbështes zgjerimin e unionit. Fakti që Bashkimi Europian vijon të rritet drejt lindjes është fitore për të gjithë ne. Natyrisht që vendet kandidate duhet të përmbushin kriteret e anëtarësimit. Ndërsa ne do t’i mbështesim në mënyrën më të mirë të mundshme në këto përpjekje”, tha Scholz.

Scholz sërish apeloi për reforma në BE, për ta forcuar atë për të ardhmen.

Subscribe në YouTube: GAZETA INFOKUSI
Etiketa:
Coffee Show B2B në Zagreb nga Devolli Corporation

Të tjera

Fokusi

lajme