Lajme

Scholz flet me Vuçiqin në telefon për litiumin dhe “sigurinë rajonale”

Autori: Gazeta inFokus 15:10 | 05 September 2024

Kancelari gjerman, Olaf Scholz, ka zhvilluar një bisedë telefonike me presidentin e Serbisë, Aleksandar Vuçiq.

Siç tha ky i fundit, me Scholzin kishte pasë një bisedë “shumë të rëndësishme dhe shumë të mirë”.

“E kuptova që kancelari monitoron me kujdes dhe kujdeset për gjithçka që ndodh në Europë, që ka të bëjë edhe me stabilitetin, edhe sigurinë dhe politikën rajonale, por edhe atë që diskutuam më 19 korrik në Beograd, që ka të bëjë me lëndët e para minerale. Ai së fundi filloi prodhimin e litiumit në Gjermani dhe ai më ofroi sot që të shkojmë atje së bashku, në mënyrë që të shohim dhe të gjithë publiku serb të shohin se sa serioze është Gjermania, mendoj se njeriu po përpiqet të na ndihmojë dhe të na tregojë se si është e mundur”, tha Vuçiq në përgjigje të pyetjes së një gazetari për detajet e bisedës me Scholz, shkruan Tanjug, transmeton Gazeta Express.

-Advertisement-

Vuçiq tha se i ka përcjellë se e di që mund të ofrohen kushtet më të mira, por nuk është i sigurt nëse “ata që janë këtu duan ta ofrojnë”.

“Ne diskutuam gjithashtu nevojën në rritje për të rritur përpjekjet diplomatike në rajon me synimin për zgjidhjen e çështjeve të shumta që janë të rëndësishme për ruajtjen e paqes dhe stabilitetit dhe, në veçanti, promovimin e lidhjeve ekonomike dhe integrimin europian të Ballkanit Perëndimor”, pretendoi Vuçiq.

Ai shtoi se kanë biseduar edhe për sfidat në rritje në sektorin e energjisë dhe të ardhmen e diversifikimit të energjisë.

Subscribe në YouTube: GAZETA INFOKUSI