Sport

Scholes e Neville, Mourinho nuk i kursen legjendat e Man. United

Autori: Gazeta inFokus 14:20 | 03 May 2019

Ata ishin të parët që kritikuan pa frerë punën e bërë nga Jose Mourinho në stolin e Manchester United, të parët që kërkuan “gijotinën” publike për trajnerin e “Djajve të kuq” që në vështirësitë e fillimit.

Me shkarkimin e bujshëm të para pak muajve të teknikut luzitan, ky i fundit nuk i kurseu sulmet ndaj dy legjendave të “Old Trafford”, Paul Scholes dhe Gary Neville, opinionistë nga ekrani i vogël për platformat më të njohura sportive.

Sipas Mourinhos, të dy ish-lojtarët e kanë provuar edhe vet të jenë trajnerë dhe kanë dështuar në çdo aspekt.

-Advertisement-

“Është totalisht diçka tjetër, kur je përpara televizorit dhe analizon një ndeshje, duke dhënë opsione sesi të jetë formacioni. Këto vendime, kur je në pankinë, a mund të merren me të njëjtën qetësi, të jesh analist i zoti, të lexosh lojën dhe të jesh mjaftueshëm i guximshëm për të përballuar presionin?”, pyeti me ironi Mourinho.

“Ata e kanë provuar të jenë trajnerë dhe në më pak se dy muaj u kanë thënë mirupafshim klubeve”, tha Mourinho, që u shkarkua në dhjetor nga Manchester United. Në sulmin e tij ishin Neville, që u shkarkua pa asnjë rezultat nga Valencia në vitin 2016, e Paul Scholes, që mbijetoi vetëm një muaj në stolin e Oldhamit.

Subscribe në YouTube: GAZETA INFOKUSI
Etiketa:

Të tjera

Fokusi

sport