Sport

Scaloni e Aimar në stolin e Argjentinës pas dështimit të Sampaolit

Autori: Gazeta inFokus 15:05 | 03 August 2018

Lionel Scaloni dhe Pablo Aymar janë ata që do të drejtojnë përkohësisht skuadrën përfaqësuese të Argjentinës. Scaloni që drejton edhe skuadrën e U20 ishte asistenti i Jorge Sampaolit, ndërsa Aimar është trajneri i përfaqësueses argjentinase të 17 vjeçarëve.

Ai që e konfirmoi lajmin ishte presidenti i Federatës Argjentinase të Futbollit, Claudio Tapia në një konferencë p[ër shtyp pas mbledhjes së Komitetit Ekzekutiv të institucionit që ai drejton.

Në fjalën e tij, tapia theksoi se kjo zgjedhje i jep mundësinë atij që të fitojë më shumë kohë në gjetjen e një zgjidhje përfundimtare për pankinën e përfaqësueses bardhekaltër që në Botërorin e Rusisë dështoi totalisht.

-Advertisement-

Scaloni dhe aimar, të cilët nuk dihet ende se sa do të qëndrojnë në këtë detyrë, do të bëjnë debutimin e tyre me ndeshjet miqësore që Argjentina do të luajë me Guatemalën e Kolumbisë në 7 dhe 11 shtator në SHBA.

Subscribe në YouTube: GAZETA INFOKUSI