Lajme

SBASHK: Të kalojë ligji për pagat, në të kundërtën hyjmë prapë në grevë

Autori: Gazeta inFokus 20:34 | 21 December 2022

Sindikata e Arsimit u ka bërë thirrje deputetëve që ta kalojnë në lexim të dytë Projekligjin për Pagat, që nesër pritet të shqyrtohet në Kuvend. Sipas tyre, nëse kjo nuk ndodh prapë rrezikohet që në janar të ketë greva në sistemin e arsimit.

Shtatori i vitit 2022 nuk ishte i njëjtë si vitet e kaluara në sektorin e arsimit. Ani se edhe më herët kishte kërcënime e greva por vitin që shkoi kjo protestë në formë bojkotimi të mësimit zgjati edhe më shumë.

Për një muaj, mësimdhënësit të shtyrë nga Sindikata e Bashkuara e Arsimit nuk filluan mësimin me kërkesën që të kalojë në Kuvend Projektligji për Pagat, që ua rrit atyre rrogat mujore.

-Advertisement-

Greva u pezullua por ajo është paralajmëruar se mund të rikthehet në janar, nëse deputetët dështojnë të kalojnë të enjten në lexim të dytë Projektligjin për Pagat.

“Në momentin që ligji i pagave hynë në fuqi të gjithë mësimdhënësit janë të një mendimit që mos të hyjnë fare në greva, janë duke pritur që pagat të rriten ose të hyjë ligji I pagave në fuqi”, ka thënë Agim Kosumi, mësimdhënës.

E shpresë që ky ligj do të kaloj ka i pari i Sindikatës së Arsimit, Rrahaman Jasharaj.

“Uroj të votohet sepse nëse nuk bëhen punët si duhet ateherë ne prapë do ta pyesim anëtarësinë por jam i sigurt që të gjitha palët edhe ata edhe ne do të jemi më të kujdesshëm për veprimet tutje”, ka thënë Jasharaj.

Por, sipas ekspertëve edhe një grevë në janar do të ishte shkatërruese për këtë sektor.

“Unë nuk guxoj të mendoj që dikush mundet ende me argumentu në favor të një greve tjetër kur dihet dëmi që është shkaktu një muaj jashta procesit mësimor”, ka deklaruar Rinor Qehaja, nga “Ed Guard”

Projektligji për Paga në sektorin publik është miratuar në lexim të parë ndërsa në lexim të dytë para deputetëve të Kuvendit do jetë nesër. (Dukagjini)

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme