Sport

Sarri e ul në stol, Morata kërkon largimin nga Chelsea

Autori: Gazeta inFokus 10:00 | 02 October 2018

Ndonëse e nisi sezonin si titullar, në ndeshjet e fundit të Chelseat, Alvaro Morata ka përfunduar në stol, pasi nuk ka arritur të bindë trajnerin italian Maurizio Sarri.

Sulmuesi spanjoll është detyruar të ulet në pankinë dhe të shërbejë si rezervë e francezit Olivier Giroud, rol të cilin nuk e dëshiron aspak. Pikërisht për këtë arsye, u ka kërkuar menaxherëve të tij, që të punojnë për një largim nga Londra që në muajin janar.

Morata u transferua te Chelsea në verën e 2017-ës, pasi londinezët paguan plot 70 milionë euro për kartonin e tij, por duket se tashmë janë gati të heqin dorë edhe për një shifër më të ulët.

-Advertisement-

Destinacioni i preferuar i Moratës është Italia, ku jo vetëm jeton bashkëshortja e tij, bashkë me dy djemtë binjakë, por edhe ka kaluar periudhën më të mirë të karrierës sportive, kur mbronte ngjyrat e Juventusit.

Subscribe në YouTube: GAZETA INFOKUSI
Etiketa:

Të tjera

Fokusi

sport