Auto&Tech

Samsung Galaxy S9 kopjon Apple, vjen me skanerët e fytyrës?

Autori: Gazeta inFokus 13:36 | 21 November 2017

Që nga koha kur Apple lansoi iPhone X me funksionin e njohjes së Face ID, thashethemet tani janë duke pretenduar se prodhuesit e bazuar në Android pritet të ndjekin shembullin e rivalit të tyre, por a mund të jetë Samsung një prej tyre? Sipas një raporti nga ETNews (përmes PhoneArena), përgjigjja është po, dhe se Galaxy S9 mund të shfaqë një sistem të njohjes së fytyrës.

Kjo nuk është hera e parë që po dëgjojmë se S9 Galaxy mund të ketë një sistem të këtillë, por nëse do të mund të përputhet me Face ID të Apple, mbetet për t’u parë. Raporti vazhdon të pohojë se Galaxy S9 do të shohë gjithashtu një skaner të përmirësuar të irisit, megjithëse nuk është thënë se çfarë mund të përmirësohet, ndoshta njohja më e shpejtë.

Vini re se pajisjet e mëparshme të Samsung-ut kanë ardhur me njohje të fytyrës, edhe pse përdorën një sistem tjetër krahasuar me konfigurimin e TrueDepth në iPhone X dhe nuk ishte aq i aftë ose i sigurt. Deri tani thashethemet që kemi dëgjuar për Galaxy S9 janë se mund të ruaj 4GB RAM-in e tyre dhe se do të paketojë procesorin Samsung Exynos 9810, që u lansua zyrtarisht nga Samsung në fillim të këtij muaji.

-Advertisement-

Megjithatë ka pasur gjithashtu raporte se telefoni mund të shfaqë Qualcomm Snapdragon 845, por me sa duket do të ketë modele të ndryshme për tregje të ndryshme siç kemi parë në të kaluarën.