Lajme

Samiti i BE në Tiranë, nënshkruhet marrëveshja “roaming”

Autori: Gazeta inFokus 10:14 | 06 December 2022

Marrëveshja e parë që është nënshkruar në samitin e Be-Ballkani Perëndimor sot në Tiranë është marrëveshja Roaming, që synon uljen e tarifave.

Marrëveshja Roaming i hap rrugë nisjes së procesit për heqjen e tarifës roaming mes vendeve të Bashkimit Evropian dhe Ballkanit Perëndimor.

Pas negociatash të gjata Komisioni Europian dhe RCC drejtuar nga Sekretarja e Përgjithshme, Majlinda Bregu kanë arritur marrëveshjen me operatorët e telefonisë celulare në Europë e Ballkan për uljen e tarifave roaming.

-Advertisement-

Nënshkrimi i Deklaratës së Roaming-ut, do të garantojë ulje të ndjeshme të tarifave roaming që nga 1 tetori 2023. Tarifat afër niveleve të çmimeve kombëtare synohen të arrihen deri në vitin 2027.

Marrëveshja do të jetë në favor të qytetarëve në të gjithë Ballkanin Perëndimor dhe BE-në që do të kursejnë para./TCH

Subscribe në YouTube: GAZETA INFOKUSI