Sport

Samir Ujkani: Jemi ende shumë larg prej nivelit të Spanjës

Autori: Gazeta inFokus 23:29 | 31 March 2021

Kosova pësoi humbjen e radhës në kuadër të kualifikimeve për Kampionatin Botëror ‘Katar 2022’, shkruan Gazeta inFokus.

Kësaj radhe ‘Dardanët’ u mposhtën nga Spanja me rezultat 3-1.

Pas ndeshjes ka folur portieri i Kosovës, Samir Ujkani, i cili ka thënë se niveli i Kosovës është larg atij të Spanjës.

“Kemi luftu për njëri-tjetrin. Spanja është një prej ekipeve më të mira në botë. Jemi ende shumë larg prej nivelit të Spanjës. Kemi provu m’i kriju do shansa. Ky është kualiteti i tyre, kanë pasë shumë raste. Spanja është super ekip, por na duhet me kqyr lojën tonë. Me lujt si Greqia nuk është mentaliteti jonë. Konkurrenca jonë është Gjeorgjia me Greqinë. Duhet me provu mu rrit si lojtarë dhe si ekip. E kemi ndërru sistemin e lojës. Kemi ardh prej ni javës shumë të vështirë. Lujtëm me Lituaninë në temperatura të ulëta. Me Suedinë lojë fizike dhe shumë të fortë. Kur erdhëm këtu e gjetëm temperaturën 31 gradë”, u shpreh Ujkani.

Pas kësaj humbje Kosova zë vendin e fundit në Grupin B me zero pikë./Gazeta inFokus/

Të tjera