Lajme

Sami Lushtaku i reagon ashpër Lladrovcit: I vogël është ai me u marrë unë me të

Autori: Gazeta inFokus 16:23 | 08 June 2021

Ish kryetari i komunës së Skenderajt, Sami Lushtaku i ka reaguar bashkëpartiakut të tij, Ramiz Lladrovcit pas deklaratës se jep “100 Samia për Bekim Jasharin”.

Lushtaku i është përgjigjur Lladrovcit duke thënë se nuk merret me të, madje duke e quajtur “të vogël”.

“Shkruj thuj po thotë Samia 200 jepi se 100 pak. Boll dal unë veç një. Qesharak është ai nuk e kam mendjen me u marr me të i vogël është ai”, ka deklaruar ai për Gazetën Infokus.

-Advertisement-

Kujtojmë se i pari i Drenasit, në Pressing ka deklaruar se me Lushtakun nuk ka armiqësi por që nuk kanë raporte miqësore.

“Sot për sot nuk i kam raportet e mira. I kam pasë të mira, i kam prish, i kam ndreq, i kam prish, i kam ndreq. S’kam armiqësi me Sami Lushtakun. Nëse nuk e kam lënë me investu në Drenas pa i ndjek procedurat, nuk do të thotë që kemi armiqësi. 100 Sami Lushtaka i jepi për Bekim Jasharin. Por nuk përzihem në problemet mes tyre, se ata nesër bëhen mirë mes vete, një herë e kam hangër në jetën time, nuk e e ha më”, ka thënë Lladrovci./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme