Lajme

Sali Rexhaj, që u përmend në postimin e Sami Kurteshit, i quan gënjeshtra pretendimet e zyrtarit te VV’së

Autori: Gazeta inFokus 22:56 | 24 May 2022

Mërgimtari që jeton në Zvicër, Sali Rexhaj ka reaguar pasi që zyrtari VV-së Sami Kurteshi ka thënë se Rexhaj është dënuar nga një institucion drejtësie në Zvicër për shpifje ndaj tij dhe vëllait të tij, Ismajl Kurteshi.

Mirëpo, këtë gjë e ka mohuar vetë Rexhaj, përmes një reagimi në Facebook.

Ai, duke folur për Kurteshin, ka thënë se “një nga krerët e VV-së dhe bartës i një pozite të lartë institucionale shtetërore, paska shpërndarë shpifje e gënjeshtra në murin e vet në FB”.

“Nuk kam aq shumë kohë që të merrem me njerëz të cilët në Kosovë kanë akuza nga Prokuroria për dhunë, prandaj edhe këto shpifje si edhe tjera më parë nga liderët e VV-së nuk më bëjnë fare përshtpyje”, ka shkruar Rexhaj.

“Është shumë e ulët që para se të publikohet një status, personi në fjalë kujdeset që të më bllokojë në FB dhe kështu ma pamundëson që ta shpreh edhe unë opinionin tim aty ku është bërë postimi”, ka shkruar në fund ai.

Kurteshi, në një postim të mëhershëm, të publikuar po ashtu nga Gazeta Express, ka pohuar se Prokuria e Cyrihut kishte vendosur disa masa ndaj Rexhajt me 13 maj 2022, në mesin e të cilave:

I akuzuari Sali Rexhaj:

• deklaron se shpreh keqardhje për çdo padrejtësi të bërë ndaj të dëmtuarve Ismajl Kurteshi dhe Sami Kurteshi;

• u kërkon falje publike në Facebook të dëmtuarve Ismajl Kurteshi dhe Sami Kurteshi me postimin e mëposhtëm (në shqip):

„Ju referohem artikujve të mi të 3 nëntorit 2021 dhe të 8 nëntorit 2021. Nuk ka qenë qëllimi im t‘i ofendoj ose t‘ju mvesh Kurteshëve, përkatësisht Sami dhe Ismajl Kurteshit, pa të drejtë gjëra. Kërkoj falje për këto deklarime dhe pranoj, se ato nuk kanë qenë të vërteta. Në të ardhmen nuk do të bëj deklarime të tilla. Në këtë vazhdë, unë kam shpallur gatishmërinë t‘ia dhuroj CHF 500.- një organizate humanitare në Kosovë.“

• deklaron se nuk e fshin shkrimin e mësipërm për të paktën tre muaj pas publikimit;

• premton se do të respektojë të drejtat e të dëmtuarve Ismajl Kurteshi dhe Sami Kurteshi dhe nuk do t’i dëmtojë ata në të ardhmen;

• deklaron se do t’ia paguajë një shumë prej CHF 500.00 një organizate jofitimprurëse (në Kosovë) deri më 15 qershor 2022 si kompensim; etj.

Të tjera

Fokusi

lajme