Sport

Salah del kundër Egjiptit

Autori: Gazeta inFokus 16:36 | 28 November 2018

Sulmuesi anësor i Liverpoolit, Mohamed Salah, e ka kritikuar projektin e propozuar nga Qeveria e Egjiptit për t’i eksportuar qentë dhe macet endacake jashtë vendit. Salah e kundërshton këtë iniciativë pasi që beson se këto kafshë mund të përdoren si ushqim.

Salahu e shfrytëzoi llogarinë e tij në Twitter për ta shprehur mendimin e tij për këtë projekt. Në postimin e tij ku e ka kundërshtuar këtë gjë, ai ka dalë në foto me macet e tij shtëpiake.

Futbollisti egjiptian ka shkruar: “Qentë dhe macet nuk do të eksportohen askund. Kjo nuk mund të ndodhë dhe nuk do të ndodhë”. Postimin e tij ai e përfundoi me hashtagun “Jo për shkeljen e të drejtave të kafshëve”.

-Advertisement-

Kjo zënkë filloi javën e kaluar pasi u raportua se Ministri i Agrikulturës në Egjipt e kishte aprovuar vendimin për eksportimin e katër mijë qenve dhe maceve endacake. Asnjë detaj tjetër nuk ishte bërë i ditur, përveç se kafshët ishin vaksinuar. Por, ishte raportuar se ato mund të përdoren si ushqim.

Salahu ka një status heroik në Egjipt, aq sa pothuajse një milion egjiptian e votuan atë si kandidatin e tyre për zgjedhjet presidenciale të marsit. Vendimi i tij për ta kundërshtuar Qeverinë është përgëzuar nga shumë persona.

Larg politikës, Salahu pritet të jetë në formacionin e parë në ndeshjen që zhvillonte sonte në Parc des Princes, mes Liverpoolit dhe Paris Saint-Germainit.

Subscribe në YouTube: GAZETA INFOKUSI