Lajme

Sahatçiu ka një propozim për parandalimin e dhunës

Autori: Ermirë Berisha 12:20 | 01 December 2022

Nënkryetarja e Komunës së Prishtinës, Donjeta Sahatçiu, ka thënë se duhet të bëhet patjetër blerja e byzylykëve elektronik, që paralajmërojnë viktimat e dhunës në familje në momentin që u afrohet sulmuesi i tyre, shkruan Gazeta inFokus.

Sahatçiu përmes një postimi në Facebook, ka shkruar se kjo është nevojë urgjente që duhet plotësuar meqenëse nuk është kohë te flitet por të bëhet zgjidhje.

“Blerja e byzylykëve elektronik (digjital) që paralajmërojnë viktimat e dhunës në familje në momentin që u afrohet sulmuesi i tyre është nevojë emergjente. Ato veqse janë dëshmuar të suksesshme në zbatimin e urdhërave të mbrojtjes nëpër botë. Një bazë ligjore mundet të na ofroj Ligji për Mbikëqyrje Elektronike veqse në fuqi që nga viti 2015. Si Kryeqytet, jemi të gatshëm të bashkojmë forcat për veprim të menjëhershëm.  Kjo sigurisht që nuk është zgjidhje përfundimtare. Mirëpo, dikush duhet të flet për zgjidhje. Dikush duhet të veprojë menjëherë. Mjaft me reagime vend e pa vend. Mjaft me popullizma. Mjaft më. Në vetëm 7 ditë e para të 16 ditëve aktivizëm për mbrojtjen nga dhuna me bazë gjinore nën moton nacionale “As edhe një më shumë” ne kemi 2 gra të vrara. Nuk do mend se gjindemi në gjendje alarmante”, ka shkruar Sahatçiu.

-Advertisement-

Ndryshe, pasditen e së mërkurës ka ndodhur një ngjarje tragjike pasi që dyshohet se një burrë ka vrarë gruan e tij shtatzëne përballë Gjinekologjisë në QKUK./Gazeta inFokus/

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme