Lajme

Sa shqiptarë jetojnë në Maqedoni, këto janë të dhënat e fundit

Autori: Gazeta inFokus 12:36 | 30 March 2022

Kryetari i Bashkimit Demokratik për Integrim, Ali Ahmeti, ka bërë publike të dhënat e fundit se sa shqiptarë jetojnë në Maqedoni, shkruan Gazeta Infokus.

Ai përmes një postimi në “Facebook”, ka thënë se sot Republika e Maqedonisë së Veriut pas 20 viteve ka një pasqyrë më të qartë sa i përket numrit të përgjithshëm të popullsisë.

“Shqiptarët janë 29.5% në popullsinë e përgjithshme dhe 24.3% në popullsinë rezidente, ndërsa në qytetin e Shkupit 22.8% (nga 20.04% në 2002)”, ka shkruar Ahmeti.

-Advertisement-

Po ashtu ai tha se i përgëzon të gjitha institucionet që ishin të përfshira dhe kanë ndihmuar në këtë aspekt.

“Përgëzoj të gjitha institucionet që ishin të përfshira dhe ndihmuan Regjistrimin si proces që filloi në muajin Mars të vitit të kaluar me diasporën e vendit e që përfundoi në Shtator me regjistrimin e popullatës në vend, proces dhe sfidë aspak e lehtë por që ia dolëm ta përfundojmë me sukses”, ka shkruar më tej Ahmeti.

Ndryshe, më herët ky numër i shqiptarëve që jetojnë në Maqedoninë e Veriut ka qenë 619,187.

Regjistrimi i popullsisë të Maqedonisë së Veriut u zhvillua në muajin shtator.

Sipas të dhënave të publikuara nga enti, me regjistrimin e popullsisë që zgjati nga 5 deri më 30 shtator, u regjistruan 1.832.696 persona, 568.175 familje dhe 837.255 banesa.

Regjistrimi i fundit në Maqedoninë e Veriut është realizuar në vitin 2002. Dhjetë vjet më vonë apo në vitin 2011, ai nuk u mbajt për shkak të përplasjeve mes partive politike shqiptare dhe maqedonase, mbi mënyrën e realizimit, përkatësisht për përfshirjen ose jo të qytetarëve që janë jetojnë përkohësisht jashtë vendin, e që shumica prej tyre janë shqiptarë.

Ishin shpenzuar dy milionë euro, ndërsa pati edhe një procedurë parahetimore kundër dy drejtuesve të koalicionit të atëhershëm qeveritar, Nikolla Gruevskit dhe Ali Ahmetit për ndërprerjen e regjistrimit, por kjo procedurë ka përfunduar pa epilog gjyqësor./Gazeta Infokus/

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme