Ballkanasit nuk kursejnë kur bisedohet për të udhëtuar për pushime, edhe kur kanë të ardhura të ulëta.

Krizë ekzistenciale ose jo, qytetarët e rajonit gjejnë mënyra nga të ardhurat e tyre modeste të udhëtojnë për pushime, ndonjëherë një herë, por ndonjëherë disa herë në vit. Disa edhe marrin hua vetëm të mos heqin dorë nga plazhi. Kriza ekonomike e shkaktuar nga inflacioni, ndryshimet në rrjedhat ekonomike të cilat i solli pandemija, kriza energjetike, por edhe lufta në Ukrainë, e cila shkaktoi ndryshme të mëdha në tregun botëror ndikuan në rritjen e aranzhimeve turistike. Por, çka thonë të dhënat e deritanishme statistikore, sa qytetarët e Ballkanit ndajnë nga buxheti i tyre për pushim?

Qytetarët e Maqedonisë së Veriut shpenzojnë në mënyrë modeste

-Advertisement-

Në mënyrë modeste, por rregullisht, mund të përshkruhet zakoni për të shkuar në pushime tek qytetarët e Maqedonisë së Veriut. Sipas të dhënave të Entit Shtetëror të Statistikave, ata mesatarisht shpenzojnë 20 euro në ditë për një pushim vjetor që mesatarisht zgjat 11 ditë. Kjo do të thotë se një turist i Maqedonisë së Veriut shpenzon mesatarisht 220 euro për pushime.

Qytetarët e Serbisë nuk kursejnë për pushime

Qytetarët e Serbisë shpenzojnë dy herë më shumë në pushime krahasuar me qytetarët e Maqedonisë së Veriut. Një turist mesatar nga Serbia shpenzon rreth 55 euro në ditë ose 550 euro për person për një pushim 10-ditor. Të dhënat e publikuara në media tregojnë se serbët shpenzojnë rreth 95 euro në ditë për pushime në Kroaci, shifër më e lartë edhe se gjermanët, të cilët shpenzojnë 65 euro në ditë për të njëjtin destinacion.

Qytetarët e Malit të Zi preferojnë mysafirë

Malazezët preferojnë të presin turistë në vend që të udhëtojnë për pushime, pasi Mali i Zi ka një traditë turistike tashmë disa dekada. Por kur shkojnë për pushime, malazezët shpenzojnë mesatarisht 195 euro për person në një udhëtim.

Qytetarët e Shqipërisë shpenzojnë 229 euro për person

Qytetarët e Shqipërisë vitet e fundit janë dëshmuar si mikpritës të mirë në turizëm. Kur bëhet fjalë për pushimet e tyre, statistikat tregojnë se ata si turistë shpenzojnë mesatarisht 229 euro për person për një udhëtim.

Tek qytetarët e Kosovës praktikë është pushimi 7-ditor

Analizat e kompanive hulumtuese për preferencat turistike të qytetarëve të Kosovës tregojnë se pjesa më e madhe, respektivisht 76 për qind e qytetarëve, shkojnë në pushime 7-ditore ku shpenzojnë mesatarisht 200 euro për person.

Edhe pse kanë të ardhura më të larta, qytetarët e Kroacisë nuk shpenzojnë më shumë se të tjerët

Edhe pse është i vetmi vend anëtar i Bashkimit Evropian (BE) në rajon ku të ardhurat e qytetarëve janë dukshëm më të larta se në pjesët e tjera të rajonit, kroatët nuk shpenzojnë më shumë për pushime nëse i krahasojmë me vendet e tjera të Ballkanit. Sipas të dhënave të Eurostat-it, turisti mesatar kroat shpenzon pak më pak se 225 euro për pushimet e tij.

Qytetarët e Bosnjë e Hercegovinës shpenzojnë mesatarisht 200 deri në 300 euro për pushime

Hulumtimet për qytetarët e Bosnjë e Hercegovinës tregojnë se më shumë se gjysma e popullsisë udhëton për pushime që zgjasin 7 deri në 9 ditë, ndërsa shpenzimet mesatare lëvizin nga 200 deri në 300 euro për person.

Sa shpenzojnë evropianët?

Statistikat e Eurostat-it për sa i përket udhëtimeve turistike tregojnë se brenda BE-së qytetarët e Luksemburgut për pushime shpenzojnë më së shumti, mesatarisht 768 euro për person. Lart në krye përmenden edhe banorët e Maltës që shpenzojnë 646 euro për person, si dhe austriakët që shpenzojnë 607 euro për person.

Më pak para për pushime nga buxheti familjar shpenzojnë lituanët (107 euro), pasuar nga rumunët (125 euro) dhe qytetarët e Republikës Çeke (129 euro).

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-