Sa persona u kompensuan sivjet si të arrestuar apo dënuar pa bazë ligjore?
Autori: Gazeta inFokus 17:42 | 19 November 2020
2OO mijë euro do të kompensohet ish-guvernatori i Bankës Qendrorë të Kosovës, Hashim Rexhepi për shkak të mbajtjes së tij në paraburgim si dhe masave tjera për sigurimin e pranisë së tij.
Tri ditë më parë Gjykata Themelore në Prishtinë e ka aprovuar pjesërisht kërkesëpadinë ish-guvernatorit të Bankës Qendrore të Kosovës (BQK), Hashim Rexhepi, i cili kishte kërkuar nga Këshilli Gjyqësor i Kosovës (KGJK), kompensimin e dëmit material dhe jo material në shumën prej 1,953,104.00 euro.
Ish-kreu i BQK-së, ka pretenduar se nga 23 korriku e deri më 23 nëntor 2010 ishte mbajtur në paraburgim, ku pas kësaj atij i ishin shqiptuar edhe masat tjera si dorëzania dhe paraqitja në Stacionin e Policisë deri më 16 shkurt të vitit 2011, ku sipas padisë edhe ishte liruar nga aktakuza me aktvendim nga ish-Gjykata e Qarkut në Prishtinë.
Por sa persona janë kompensuar sivjet nga KGJK?
Këshilli Gjyqësor i Kosovë në një përgjigje me shkrim për gazetën Objektiv kanë treguar për numrin e personave që janë kompensuar gjatë kësaj periudhe të vitit.
Sipas KGJK-së deri më tani janë kompensuar 87 persona për kompensim të dëmit si të arrestuar apo dënuar pa bazë ligjore dhe pa arsye.
Po ashtu janë kompensuar dy persona me aktgjykim të plotfuqishëm të gjykatës.
“Nga 01.01.2020 deri në momentin e raportimit janë kompensuar 87 persona në shumën prej 232,529.00 €. (Dyqind e tridhjetë e dymijë e pesëqind e njëzet e nëntë euro). Po ashtu Gjykata me aktgjykim të plotfuqishëm ju ka njohur të drejtën e kompensimit dy personave, njërit në shumën prej 50,300.00 € (Pesëdhjetëmijë e treqind euro) si dhe tjetri 80, 301.08 € (Tetëdhjetëmijë e treqind e një euro e tetë centi). Ndaj këtyre vendimeve është ushtruar mjet juridik i jashtëzakonshëm po ashtu këto çështjet janë në procedurë përmbarimi”, thuhet në përgjigjen e KGJK-së.
Pos këtyre rasteve në KGJK po trajtohet edhe raste të tjera nga personat të cilët po kërkojnë kompensim material.
“25 kërkesa për kompensim të dëmit për persona të dënuar ose arrestuar pa bazë ligjore dhe pa arsye janë duke pritur për vendosje e që besohet që do të kryhen brenda këtij muaji”, thuhet në përgjigjen e KGJK-së.
Ndërkohë, drejtor ekzekutiv i Institutit të Kosovës për Drejtësi (IKD), Ehat Miftaraj thotë se kanë kërkuar disa herë që të bëhet vlerësimi i performancës i gjyqtarëve dhe prokurorëve.
“Sa i përket arrestimeve të paligjshme është një fenomen që nuk ndodh vetëm në Kosovë, por në të gjitha shtetet. Si Këshilli Gjyqësor, si Këshilli Prokurorial i Kosovës duhet që gjyqtarëve dhe prokurorëve t’i bëhet vlerësimi i përformancës së tyre, fatkeqësisht kjo nuk ndodh në Kosovë. Kjo nuk ndodh për shkak të mungesës së vullnetit dhe keq menaxhimit të sistemit gjyqësor dhe prokurorial nuk ka ndodh një gjë e tillë”, tha Miftaraj.
E fondi i ndarë nga Qeveria e Kosovës për kategorinë e personave të dënuar ose arrestuar pa arsye për këtë vit është ndarë në shumën prej 500.000 € (Pesëqind mijë euro] /Objektiv/
Të tjera
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...
-
Gërvalla takon ambasadorin amerikan – diskutuan për këto çështje
Ministrja e Punëve të Jashtme dhe Diasporës, Donika Gërvalla, ka zhvilluar ta...
-
ShBA do të vërë veton ndaj anëtarësimit të Palestinës në OKB
ShBA do të ushtrojë të drejtën e vetos nesër në një takim të Këshillit të Sig...
-
I vazhdohet paraburgimi Thaçit, Veselit dhe Bahtjarit
Në Dhomat e Specializuara të Kosovës (DhSK) në Hagë është marrë vendim për të...
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...
-
Abdixhiku organizon tubime përkrahëse për eurodeputetët mbështetës të Kosovës
Kryetari i Lidhjes Demokratike të Kosovës, Lumir Abdixhiku, ka njoftuar se kë...
-
Osmani takohet me ambasadorin francez, u diskutuan mbajtja peng e kosovarëve dhe arrestimet e policëve në zonat kufitare
Presidentja Vjosa Osmani priti në takim Ambasadorin e Francës në Kosovë, Oliv...
-
DASH thirrje autoriteteve serbe për transparencë: Arrestimi i policëve të Kosovës përshkallëzon situatën
Nga orët e para të së mërkurës, mbi 300 qytetarë të Kosovës ishin bllokuar në...