Sa janë reale testet e Arritshmërisë dhe Maturës në Kosovë
Autori: Gazeta inFokus 09:45 | 23 June 2018
Testi Shtetëror i Maturës dhe Testi i Arritshmërisë në Kosovë, si formë e vlerësimit të matjes së njohurive të nxënësve, vazhdimisht po përcillet me parregullsi. Nxënësit arrijnë të kopjojnë, madje shpesh ndodh që testi të shpërndahet edhe nëpër rrjete sociale.
Këto teste, kanë nevojë për administrim më të mirë, në mënyrë që të sjellë rezultate të sakta, thonë ekspertë për çështje të arsimit, por edhe vetë nxënësit.
Testit të Maturës dhe atij të Arritshmërisë çdo vit i nënshtrohen nxënësit që përfundojnë klasën e 12-të, të arsimit të lartë, respektivisht nxënësit e klasës se 9-të, të arsimit të mesëm.
Përfundimi me sukses i këtij testi mundëson më pas aplikimin për studime në universitet, respektivisht në shkollë të mesme.
Nxënësi Omer Halili ka përfunduar klasën e nëntë të shkollës fillore dhe ka kaluar Testin e Arritshmërisë. Ai thotë se gjatë mbajtjes së testit nuk janë vërejtur parregullsi, por ato kanë dalë në sipërfaqe pas shpalljeve të rezultateve.
“Çudia më e madhe është, pas shpalljes së rezultateve, numrin më të madh të pikëve e kanë pasur nxënësit që nuk kanë pasur sukses të mirë në vitet shkollore. Nuk e kuptoj si ka ndodhur”, thotë Omer Halili.
Pikët e mjaftueshme për të aplikuar në universitet i ka fituar edhe maturantja Gena Imeri. Ajo konsideron se ky test duhet të eliminohet për shkak se rezultatet nuk janë të sakta.
“Më mirë është ta heqin krejt, jemi vlerësuar gjatë tri viteve në gjimnaz. Për mua është i panevojshëm”, thotë ajo.
Por, ekspertë për çështje të arsimit, theksojnë Testi i Maturës dhe ai i Arritshmërisë duhet të mbahen, porse nevojitet administrim dhe menaxhim më i mirë.
Dukagjin Pupovci, drejtuesi i Qendrës për Arsim të Kosovës, vlerëson se me një menaxhim më të mirë, të gjitha parregullsitë që po ndodhin, mund të eliminohen. Parregullsitë që po ndodhin ndër vite, sipas tij, po e zhvlerësojnë komplet procesin e testimit.
“Mendoj se defekti në Kosovë është administrimi jo i mirë i testeve, i cili rezulton me mundësi për kopjim dhe mashtrim, të cilat më pas i nxjerrin ata nxënës që nuk janë përgatitur aq sa duhet, më mirë se sa nxënësit që kanë mësuar në mënyrë sistematike, e të cilët mund të ndodh se janë më të ndërgjegjshëm dhe nuk dëshirojnë të hyjnë në çështje të tilla”, vlerëson Pupovci.
Sipas Ministrisë së Arsimit, Shkencës dhe Teknologjisë, provimin e Testit të Maturës këtë vit e kanë kaluar 73.3 për qind nga rreth 28 mijë maturantë sa i janë nënshtruar testit, kurse Testin e Arritshmërisë 61 për qind e semimaturantëve, nga rreth 27 mijë, sa kanë marrë pjesë.
Në anën tjetër, ministri i Arsimit, Shkencës dhe Teknologjisë, Shyqyri Bytyqi, ka thënë se do të hapet debat për gjetjen e metodave tjera që Testi i Maturës të sjellë rezultate reale.
“Ne do të hapim debat për testin e maturës, përtej asaj që do të kemi ndërprerje të internetit nëpër shkolla. Por, konsideroj se do të hapim debat shumë më të gjerë dhe do të shohim metoda tjera të mbajtjes së testit, në mënyrë që testi t’i japë rezultatet reale”, ka thënë Bytyqi
Ndryshe, përveç Testit të Maturës dhe atij të Arritshmërisë, për cilësi të arsimit, në muajin prill të këtij viti, nxënësit e moshës 15 vjeç në Kosovë, i janë nënshtruar një vlerësimi ndërkombëtar, i njohur me emrin “PISA”
Vlerësimi i radhës i ndërkombëtar do të jetë në fund të vitit 2019.
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...