Lajme

Rusia zotohet për hapje të korridorit humanitar në Mariupol

Autori: Gazeta inFokus 15:33 | 25 April 2022

Rusia ka premtuar sërish se do të hapë korridorin humanitar për civilët e bllokuar në një fabrikë çeliku në qytetin e rrethuar të Mariupolit në Ukrainë.

Ushtria ruse është planifikuar të ndalë armiqësitë prej orës 14:00 më 25 prill, ka thënë Ministria ruse e Mbrojtjes.

Civilët më pas do të mund të largohen nga zona industriale përmes korridorit humanitar.

-Advertisement-

Qeveria ukrainase i ka bërë thirrje Rusisë të sigurojë largimin e grave dhe fëmijëve nga bunkerët e fabrikës Azovstal.

Fabrika e hekurit dhe çelikut Azovstal në Mariupol të Ukrainës.
LEXONI EDHE KËTË:
Azovstal – Fabrika ukrainase e shndërruar në fushëbetejë
Sipas informacioneve nga Kievi, rreth 1,000 civilë besohet se janë në atë fabrikë.

Luftëtarët ukrainas që janë të fshehur aty kanë kërkuar që të bëhet gjithçka për të garantuar sigurinë e civilëve.

Presidenti rus, Vladimir Putin, ka urdhëruar më 24 shkurt, atë që e quan “operacion special ushtarak” me qëllim të çmilitarizimit të Ukrainës.

Perëndimi ka dënuar ashpër këtë vendim dhe ka vënë sanksione të pashembullta ndaj Moskës.

Si pasojë e luftës kanë vdekur mijëra njerëz dhe miliona tjerë kanë ikur nga Ukraina./rel

Subscribe në YouTube: GAZETA INFOKUSI