Rusia përmes Serbisë kontrollon tregun rajonal energjetik
Autori: Gazeta inFokus 12:43 | 22 January 2023
Rusia që nga ardhja e Putinit në pushtet në vitin 2000 deri në shkurt 2022 kur edhe kishte shpërthyer lufta në Ukrainë, kishte arritur që përpos kontrollit të plotë të Brukselit ta kontrollonte dhe orientonte pothuaj tërë tregun e energjisë në Evropë dhe një një pjese të madhe të Azisë. Kush kontrollon energjinë, kontrollon dhe politikën.
Pa energji sot s’mund të prodhohet as ujë e ushqim në përmasat e mëdha që kërkohen, se lëre më gjëra tjera, thjeshtë pa energji s’ka ekonomi. Aktualisht nuk ka kontinent më të pashpresë për energji sesa Evropa dhe kjo flet më së miri për ndikimet e jashtme në të.
Ndërkohë, ishin dhe janë burimet e mëdha energjetike të Rusisë ato që po ia mundësonin një depërtim të tillë në një Evropë gjithnjë e më të varur nga importi i energjisë. Ndërsa Rusia në Ballkan Perëndimor po e kontrollonte tregun energjetik përmes Serbisë më në krye Shërbimin Sekret të saj. Fuqizimi i Serbisë në Ballkan Perëndimor nga viti 2000 deri në 2022 ishte pikërisht investim rus në funksion të ri-ngjalljes së lavdisë ruse.
Martin Berishaj po del të jetë pikërisht ajo infrastruktura njerëzore që në Ballkan Perëndimor po zbatonte politikat energjetike serbe, pra ruse, sepse përndryshe s’do të mund të hynte kurrë në një treg të tillë të kontrolluar tërësisht nga serbët, pra në një rrjet rajonal përmasash mafioze. Në këtë kuadër Rusia – sikurse në BE – edhe në Ballkan Perëndimor po investonte në krijimin e një klime sa më të favorshme politike, kuptohet duke na i shitur për patriotë politikanë të caktuar, se ndryshe asesi s’bënte.
E investimi më i madh që Rusia përmes Serbisë e ka bërë në Ballkan Perëndimor ka qenë përmbysja e realiteteve politike përmes mega-investimeve nëpër parti të ndryshme politike, në
media, shoqëri civile e opinionistë të ndryshëm, dhunimet dhe minimet e demokracive, bllokimi i perspektivës evropiane për rajonin duke e detyruar Brukselin për një gjë të tillë, si dhe rritja e antiamerikanizmit në rajon si synimi madhor rus për t’u afirmuar dhe pse jo imponuar si alternativë ndaj Perëndimit.
Fakti që Martin Berishaj na del i së njëjtës linjë me Damir Fazlliçin në Shqipëri, tregon se sa thellë ka depërtuar Serbia, pra Rusia, në hapësira shqiptare. Fakti që një pjesë e politikës së Kosovës është në linjë të plotë me një pjesë të Shqipërisë për ta minuar qeverisjen atje, flet shumë për këtë lidhje të rrezikshme. Fakti që në Slloveni mund të bjerë qeveria pikërisht për shkak të lidhjeve të dyshimta me kompanitë serbe të energjisë flet shumë se sa thellë i ka futur rrënjët Serbia, pra Rusia, në ndërrimin e qeverive dhe pse jo kontrollimin e tyre në rajon. Fundja, kur Rusia ia kishte dalë ta kontrollonte pothuaj tërë tregun energjetik të BE-së, Ballkani Perëndimor do të ishte kafshatë tepër e lehtë për të.
Në këtë kuadër duhet kuptuar listat e zeza të SHBA-së ndaj politikanëve të caktuar të rajonit, përfshirë ata shqiptarë, intensifikimin e zgjerimit të BE-së e NATO-s sa më afër kufirit rus, shtrirjen në Ballkan Perëndimor të një rrjeti diplomatësh amerikanë me përvojë, mbështetjen e fuqishme amerikane të Ukrainës për ta lodhur ekonomikisht Rusinë, detyrimin e Evropës që të mos importojë më energji ruse si dhe intensifikimin e përpjekjeve për zgjidhjen e problemeve në Ballkan Perëndimor sikurse që është ai mes Kosovës dhe Serbisë.
Të tjera
-
Vuçiq pa detaje rreth “ditëve të vështira” për Serbinë
Presidenti serb, Aleksandar Vuçiq, tha se më 28 mars Serbinë e presin “ditë t...
-
Del video nga ngjarja që tronditi Prishtinën: Kështu nisën të shtënat me armë në Kolovicë
Policia e Kosovës ditë më parë ka dhënë detaje lidhur me vrasjen e së martës ...
-
Nuk votohet në Kuvend Projektdeklarata për raportet e Kosovës me ShBA-në
Deputetët e Kuvendit të Kosovës nuk kanë arritur që as edhe në seancën e sotm...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Kurti për masakrën e Izbicës: Prokuroria e Shtetit e ka mbështetjen e plotë që kriminelët të jenë prapa grilave
Pas homazheve te familjet Bogujevci, Duriqi dhe Llugaliu, kryeministri i Koso...
-
PDK voton Kryesinë e Re, Bedri Hamza merr mbështetje si kandidat për kryeministër
Këshilli Drejtues i PDK-së ka mbajtur sot mbledhjen e radhës me ftesë të krye...
-
Osmani: Strategjia e regjimit gjenocidal të Serbisë ishte shfarosja etnike
Presidentja e Kosovës, Vjosa Osmani ka kujtuar masakrën ndaj familjeve Boguje...
-
KQZ: Qendrave të Votimit në veri, funksionale për 21 prill
Komisioni Qendror i Zgjedhjeve (KQZ), në mbledhje e sotme ka prezantua një ra...
-
Osmani kujton masakrën ndaj familjeve Bogujevci dhe Duriqi: Autorët të sillen para drejtësisë
Presidentja e Kosovës, Vjosa Osmani kujtoi masakrën e familjeve Bogujevci e D...
-
Pakënaqësi me Ligjin e pagave, Jasharaj paralajmëron protestë më 1 maj – nuk e përjashton mundësinë e grevës
Sindikata e Bashkuar e Arsimit, Shkencës dhe Kulturës (SBAShK), ka shprehur s...
-
PDK propozon datën e zgjedhjeve të parakohshme
Partia Demokratike e Kosovës tanimë ka propozuar 9 qershorin, si datë për zgj...
-
25 vjet nga masakra e Izbicës: Muhamet Alidemaj, i vetmi i dyshuar që po gjykohet
Sot bëhen 25 vjet nga masakra e Izbicës, ku më 28 mars 1999, forcat policore ...