Lajme

Rusia kërcënon Evropën me ndërprerje të furnizimit me gaz

Autori: Gazeta inFokus 15:33 | 28 March 2022

Grupi i shtatë ekonomive të mëdha ka rënë dakord të refuzojë kërkesën e Moskës që gazi të blihet vetëm në monedhën ruse.

Vladimir Putin i Rusisë bëri kërkesën javën e kaluar për vendet “jomiqësore” – me sa duket ato që kanë vendosur sanksione.

Ai udhëzoi bankën qendrore të vendit që të përpunojë një procedurë për blerësit për të blerë rubla në Rusi, në një lëvizje që duket se është krijuar për të mbështetur monedhën – e cila ka rënë kundrejt monedhave të tjera.

-Advertisement-

Ministri gjerman i Energjisë ka thënë se përmbushja e kërkesës do të ishte një “shkelje e njëanshme dhe e qartë e kontratave ekzistuese”.

Ai shtoi se “pagesa në rubla nuk është e pranueshme dhe ne do t’u bëjmë thirrje kompanive të prekura që të mos ndjekin kërkesën e Putin”

Si hakmarrje, një politikan rus tha se refuzimi i G7 do të çojë patjetër në një ndalim të furnizimeve, sipas agjencisë së lajmeve Ria.

Shumë vende evropiane mbështeten në gazin rus, megjithëse Britania e Madhe tashmë ka ndaluar importet.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

lajme