Lajme

Rusia, India dhe Kina do të nisin bisedime në Nju Delhi

Autori: Gazeta inFokus 13:48 | 11 December 2017

Ministri i Jashtëm rus, Sergei Lavrov, është një Nju Delhi për ta takuar homologun e tij kinez dhe atë indian, për të biseduar rreth çështjeve të sigurisë dhe tregtisë në rajon dhe më gjerë.

Ministria e Jashtme ruse, ka thënë se takimi i 15-të i grupit, Rusi-Indi-Kinë (RIC), do të përfshijë diskutime për Afganistanin, Lindjen e Mesme dhe Gadishullin Korean.

Kjo ministri ka thënë po ashtu se përveç këtij takimi, Lavrov do të takohet edhe me ministren indiane për punë të Jashtme, Sushma Swaraj, dhe ministrin e Jashtëm kinez, Wang Yi.

-Advertisement-

Në këto bisedime mund të përfshihet edhe lufta kundër terrorizmit dhe trafikimit të drogës, kanë thënë zyrtarët.

Aty pritet të diskutohet edhe përparimi në zhvillimin e Korridorit të Transportit Veri-Jugor (INSTC), i cili do të lidhë, Indinë, Iranin, Afganistanin dhe Azinë Qendrore me Evropën.

Ky korridor do të kalojë nga Azerbajxhani dhe Rusia në rrugën drejt Evropës veriperëndimore.

Subscribe në YouTube: GAZETA INFOKUSI
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Të tjera