Rusia, bombardime brutale në disa qytete: Do shfarosim ata që mbrojnë Mariupolin
Autori: Gazeta inFokus 14:20 | 18 April 2022
Dështimet e pjesës së parë të luftës, Rusia me sa duket po kërkon t’i ndreqë tani me një brutalitet të shtuar, ç’ka u pa qartë në bombardimin e egër të disa qyteteve anembanë Ukrainës.
Në këndvështrimin e tyre, nuk e kishin shënjestruar sa duhet infrastrukturën dhe objektivat ushtarake, e tani po kërkojnë të rekuperojnë kohën e humbur i tha BBC-së, analisti ushtarak, Justin Crump. Shpërthime të fuqishme janë raportuar në perëndim dhe lindje të Ukrainës teksa forcat ruse pretendojnë se kanë kontrollin e plotë të qytetit-port të Mariupolit, që gjendet në jug të vendit, edhe pse trupat ukrainase atje betohen të luftojnë deri në frymën e fundit e të mos dorëzohen.
Forcat ruse thonë se do ta mbyllin krejtësisht Mariupolin duke mos lejuar hyrje-daljet prej andej. Ultimatumi i ministrisë ruse të mbrojtjes për ushtarët ukrainas atje që të ulin armët, skadoi. Moska thotë se kushdo që reziston më paskësaj, do të eliminohet.
Kjo përfshin sipas saj, edhe mercenarët e huaj, thuhet në deklaratën e saj, që i janë bashkuar forcave të Kievit, mes të cilëve ka europianë e kanadezë. Edhe ata i pret i njëjti fat nëse bëjnë qëndresë, vazhdon deklarata. Pasi dështuan të thyejnë rezistencën ukrainase në veri, ushtria ruse tani e ka përqendruar ofensivën në Donbas, në lindje të Ukrainës. Megjithatë, po kryen sulme ajrore edhe në pjesë të tjera të vendit, duke rikthyer bombardimet në Kiev e Kharkiv, ku u vranë të paktën 5 vetë. Shpërthime janë dëgjuar edhe në qytetin e Lvivit, që besohet se janë shkaktuar nga sulmet me raketa.
Lvivi dhe pjesa tjetër e Ukrainës perëndimore kanë qenë më pak të prekura nga luftimet krahasuar me pjesë të tjera të vendit, qëkur Rusia nisi pushtimin e Ukrainës më 24 shkurt. Kryebashkiaku i Lvivit, Andriy Sadovyi, shkroi në “Facebook” se pesë raketa kanë goditur qytetin dhe se shërbimet e emergjencës kanë dalë në vendin e ngjarjes, por nuk dha më shumë detaje. Shpërthime janë raportuar edhe në rajonin jugor të Dipropetrovsk, por ende nuk ka informacione lidhur me viktimat apo dëmet e mundshme.
Nëse qyteti-port i Mariupolit bie nën kontrollin rus, atëherë kjo do t’i jepte Moskës fitoren më të madhe në luftë. Por, disa mijëra luftëtarë ukrainas, siç ka vlerësuar Rusia, janë bllokuar në fabrikën e çelikut, Azovstal, kompleksi i së cilës është prej 11 kilometrash katrorë. “Ne do të luftojmë deri në fund për ta fituar këtë luftë”, tha kryeministri ukrainas, Denys Shmyhal, gjatë një interviste për ABC. Ai shtoi se Ukraina është e përgatitur që t’i japë fund luftës përmes diplomacisë, nëse është e mundur, “por ne nuk kemi ndërmend të dorëzohemi”.
Të tjera
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...