Lajme

“Rusët duan ta shkatërrojnë qytetin”, nënkryetari i Bakhmutit flet për gjendjen e njerëzve nën luftime

Autori: Gazeta inFokus 17:21 | 04 March 2023

Nënkryetari i bashkisë së Bakhmutit ka folur për situatën në qytet duke treguar se ka luftime në rrugë.

Oleksandr Marchenko i tha programit të BBC Radio 4 Today se rusët s’e kanë kontrollin e qytetit.

“Ka luftime në qytet dhe ka edhe përleshje në rrugë, por falë forcave të armatosura ukrainase ata ende nuk kanë marrë kontrollin mbi qytetin. Qëllimi i tyre i vetëm është vrasja e njerëzve dhe gjenocidi ndaj popullit ukrainas”.

-Advertisement-

Ai tha se rusët po duan të shkatërrojnë Bakhmutin.

“Duan të shkatërrojnë qytetin…dhe sinqerisht nuk mund ta kuptoj pse po e bëjnë këtë”.

Marchenko tha se ata besonin se kishte afërsisht “4000 ose 4500” civilë ukrainas në qytet, duke shtuar se “ata nuk e dinin me siguri” numrin e saktë.

Ata që janë në Bakhmut po jetojnë në strehimore “nuk ka ujë, gaz apo rrymë”, tha ai, por atyre u janë dhënë ngrohje.

“Qyteti është pothuajse i shkatërruar dhe nuk ka asnjë ndërtesë të vetme që të ketë mbetur e paprekur në këtë luftë. Janë të shkatërruara tërësisht, rrethe, ndërtesa dhe blloqe apartamentesh”.

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme