Lajme

Rukiqi takohet me komandantin e LMT të KFOR-it, thonë se situata është e qetë dhe stabile

Autori: Gazeta inFokus 14:55 | 07 October 2024

Drejtori i Drejtorisë Rajonale të Policisë së Kosovës në Gjilan, kolonel Agron Rukiqi me staf në ambientet e drejtorisë, priti në takim komandantin e LMT të KFOR-it turk, Major Yonuz Yildiz dhe stafin e tij.

Gjatë këtij takimi u diskutuan tema të ndryshme që ndërlidhen me fushën e sigurisë si dhe të vazhdimit të bashkëpunimit të ndërsjellë në mes të Drejtorisë Rajonale të Policisë Gjilan dhe KFOR-it në Gjilan.

“Në këtë takim nga të dyja palët situata e sigurisë u vlerësua e qetë dhe stabile. Kolonel Rukiqi falënderoi z.Yildiz për angazhimin e tyre në mbështetje të Policisë së Kosovës duke e cilësuar si një mision të rëndësishëm në fushën e sigurisë”, thuhet në komunikatën për media.

-Advertisement-

Subscribe në YouTube: GAZETA INFOKUSI