Lajme

Rruga Gjilan – Prishtinë do të bllokohet në këto orë, shkak punimet

Autori: Gazeta inFokus 12:58 | 16 Tetor 2024

Policia e Kosovës në Gjilan ka njoftuar se sot do të kryhen punime në aksin rrugor Gjilan – Prishtinë, konkretisht në fshatin Parallovë, nga ora 14:30 deri në 16:00.

Gjatë këtij intervali, ky segment rrugor do të bllokohet dhe do të ridrejtohet trafiku për automjetet që kalojnë në atë zonë.

Për të lehtësuar situatën në qarkullim, Policia kërkon mirëkuptimin e të gjithë pjesëmarrësve në trafik që të përdorin rrugët alternative.

-Advertisement-

Për ata që udhëtojnë nga Gjilani në Prishtinë, rekomandohet rruga Ponesh – Gadime, e cila lidh me magjistralen Ferizaj – Prishtinë.

Ndërsa për ata që udhëtojnë nga Prishtina në Gjilan, sugjerohet që në udhëkryqin e fshatit Llabajn të kthejnë në të majtë, duke vazhduar në rrugën që kalon përmes fshatrave Prekovc, Makresh dhe Stanishor.

Policia falënderon qytetarët për bashkëpunim.