Lajme

Rritja e rasteve me COVID-19, MSH ka një apel për qytetarët

Autori: Gazeta inFokus 14:49 | 22 June 2022

Ministria e Shëndetësisë ka njoftuar se në dy javët e fundit është shënuar rritje e rasteve me Covid-19 në vend.

Në një njoftim në faqen zyrtare, MSH ka apeluar te qytetarët të vaksinohen, shkruan Gazeta Infokus.

“Me qëllim të parandalimit dhe mbrojtjes nga infeksioni, Ministria e Shëndetësisë u bën thirrje qytetarëve që nuk kanë marrë ende asnjë dozë të vaksinës kundër COVID-19, që të vaksinohen, ndërsa qytetarët që i kanë marrë një apo dy doza të vaksinës, ta marrin dozën e dytë, respektivisht dozën e tretë të vaksinës.
Imuniteti i fituar përmes vaksinimit, me kalimin e kohës vjen duke rënë, prandaj vaksinimi me dozën e radhës (doza e dytë apo e tretë) ndihmon në rindërtimin e imunitetit”, thuhet në njoftim.

Të tjera