Lajme

Rritja e rasteve me COVID-19, ministri Latifi viziton Klinikën Infektive në QKUK

Autori: Gazeta inFokus 09:20 | 20 Janar 2022

Ministri i Shëndetësisë, Rifat Latifi mëngjesin e kësaj të enjte ka vizituar Klinikën Infektive në Qendrën Klinike Universitare të Kosovës, shkruan Gazeta Infokus.

Latifi në këtë takim u informuar rreth organizimit të punës në frymës e rritjes së rasteve me Covid-19, dhe gatishmërinë për t’u ballafaquar në rast të rritjes së rasteve.

Sipas një njoftimi nga Ministria e Shëndetësisë thuhet se ai bashkë me drejtorin e Shërbimit Spitalor Klinik Universitar të Kosovës, Valbon Krasniqi dhe drejtorin e Klinikës Infektive Arben Vishaj, biseduan me ekipin kujdestar për pacientët që po trajtohen në këtë klinik.

-Advertisement-

“Ministri i Shëndetësisë Rifat Latifi vizitoi sot në mëngjes Klinikën Infektive në QKUK ku me ekipin kujdestar të 24 orëshit të fundit bisedoi për pacientët që po trajtohen aty. Ministri falënderoi ekipet për punën që po bëjnë, dhe së bashku edhe me drejtorin e SHSKUK, Valbon Krasniqi dhe drejtorin e Klinikës Infektive Arben Vishaj biseduan për organizimin e punës në frymën e rritjes së rasteve me Covid-19 dhe gatishmërinë për t’u ballafaquar në rast të rritjes së rasteve. Ai u informua për numrin e rasteve që kanë marrë trajtim gjatë 24 orëshit të fundit dhe ecurinë e tyre”, thuhet në njoftimin e MSh-së./Gazeta Infokus/