Lajme

Rritet përdorimi i kokainës në Kosovë, bie i heroinës

Autori: Gazeta inFokus 09:09 | 26 June 2018

Sot shënohet Dita Botërore kundër Abuzimit dhe Trafikimit të Drogave.

Shefi i sektorit për bashkëpunim dhe parandalim në Drejtorinë e Antidrogës në Policinë e Kosovës, Bajram Nuhiu, tha se kjo Drejtori po punon në parandalimin e përdorimit të drogave.

“Ka nevojë që Kosova të shtojë aktivitetet për parandalimin e drogave”, tha ai në televizionin publik.

-Advertisement-

Ai bëri me dije se në Kosovë janë prezente disa lloje të drogave si: marihuana, kokaina, heroina dhe ekstaza. “Vitin e kaluar kemi pasur rreth 1900 kg të llojit marihuanë të konfiskuar, për heroinë ka rënie të saj, kurse ka shtim të rasteve të kokainës”, theksoi ai.

Sipas tij, mosha 20 deri në 35 vjeçare është më shumë ajo që ka të bëjë me frekuentimin e drogave.

Sipas tij, Policia e Kosovës po organizon aktivitetin “Stop Drogave” në shkolla e cila ka rezultuar me sukses.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik

Të tjera