Rritet numri i fëmijëve të shtruar në spitale për shkak të COVID-19
Autori: Gazeta inFokus 07:46 | 31 December 2021
Varianti Omicron i koronavirusit që po shkakton një rritje të madhe të infeksioneve në Shtetet e Bashkuara, ka shtuar edhe numrin e fëmijëve që shtrohen në spitale ndërsa ekspertët kanë shprehur shqetësimin se shumica e të rinjve nuk janë të vaksinuar.
“Është kaq e rëndë”, tha Dr. Paul Offit, ekspert i sëmundjeve infektive në Spitalin e Fëmijëve në Filadelfia. “Ishte mjaft e vështirë vitin e kaluar, por tani e dini se keni një mënyrë për ta parandaluar gjithë këtë”, tha ai duke nënkuptuar vaksinimin.
Gjatë periudhës nga 21 deri më 27 dhjetor, mesatarisht 334 fëmijë 17 vjeç e poshtë pranoheshin çdo ditë në spitale për shkak të koronavirusit, një rritje prej 58% nga një javë më parë, sipas Qendrave për Kontrollin dhe Parandalimin e Sëmundjeve, CDC. Kulmi i mëparshëm gjatë pandemisë ishte në fillim të shtatorit, kur shtrimet e fëmijëve në spitale arritën në mesatarisht 342 në ditë, sipasCDC.
Megjithatë, fëmijët vazhdojnë të përfaqësojnë një përqindje të vogël të atyre që janë shtruar në spitale me COVID-19. Mesatarisht mbi 9,400 njerëz në ditë të moshave madhore u shtruan në spitale gjatë së njëjtës periudhë të dhjetorit. Shumë mjekë thonë se të rinjtë që shtrohen në spitale tani duken më pak të sëmurë se ata që u trajtuan gjatë verës me infeksione të shkaktauara nga varianti Delta.
Sipas të dhënave të Qendrave për Kontrollin dhe Parandalimin e Sëmundjeve, dy muaj pas miratimi të vaksinës kundër COVID-19 për fëmijët e moshës 5 deri në 11 vjeç, vetëm rreth 14% e tyre janë plotësisht të vaksinuar. Shkalla e vaksinimit është më e lartë për fëmijët e moshës 12 deri 17 vjeç, rreth 53%.
Në shumë raste, faktor kryesor për shkallën e ulët të vaksinimit për fëmijët e moshave më të vogla është koha, thotë Dr. Albert Ko, profesor i epidemiologjisë dhe sëmundjeve infektive në Universitetin Yale. Vaksina kundër COVID-19 për fëmijët më të vegjël nuk u miratuan deri në nëntor të vitit 2021, dhe shumë prej tyre sapo kanë marrë dozën e dytë, tha ai.
Dr. Paul Offit tha se asnjë nga fëmijët e kualifikuar për të marrë vaksinën që ishte shtruar në spitalin e tij rreth një javë më parë nuk ishte vaksinuar, edhe pse dy të tretat e tyre kishin probleme shëndetësore, sëmundje kronike të mushkërive dhe mbipeshë. Vetëm njëri prej pacientëve ishte nën moshën 5 vjeçare, pra që nuk ishte i kualifikuar të merrte vaksinën.
Në përgjithësi, rastet e reja tek amerikanët e të gjitha moshave janë rritur në nivelet më të larta të regjistruara, duke arritur një mesatare prej 300,000 infeksionesh në ditë ose 2.5 herë më të lartë se numri i infeksioneve vetëm dy javë më parë. Sipas Qendrave për Kontrollin dhe Parandalimit të Sëmundjeve, 59% e rasteve të reja javën e kaluar ishin me variantin shumë ngjitës Omicron.
Megjithatë, sipas të dhënave paraprake, varianti Omicron shkakton sëmundje më të lehta se variantet e mëparshme dhe se kombinimi i vaksinës me dozën përforcuese duket se i mbron njerëzit nga efektet e tij më të rënda. Vdekjet nga COVID-19 kanë rezultuar të rralla tek fëmijët gjatë pandemisë. Deri më tani në Shtetet e Bashkuara kanë vdekur 721 fëmijë nga COVID-19, sipas të dhënave të raportuara nga Akademia Amerikane e Pediatrisë. Numri i përgjithshëm i vdekjeve të shkaktuara nga koronavirusi në SHBA ka arritur në mbi 800,000.
Pothuajse 199,000 raste të fëmijëve me COVID-19 u raportuan gjatë periudhës 16-23 dhjetor, thuhet në një deklaratë të Akademisë Amerikane të Pediatrisë. Kjo ishte rreth 20% e më shumë se 950,000 rasteve totale të raportuara atë javë në Shtetet e Bashkuara.
Të tjera
-
AMMK: Kosova në gjendje të rënduar të cilësisë së ajrit për shkak të pluhurit të Saharës
Agjencioni për Mbrojtjen e Mjedisit të Kosovës, ka dalë me një sqarim mbi sit...
-
“Turp”, Haki Abazi ankohet se që tri vjet s’ka mikrofon në Kuvend
Deputeti Haki Abazi është ankuar për mungesën e mikrofonave sot në Kuvendin e...
-
“Kryerrenc”, “derri dhe qingji”- deputeti i PDK’së i ashpër me Kurtin dhe deputetët e VV’së
Deputeti i PDK-së në Kuvendin e Kosovës, Ardian Kastrati, në seancën e jashtë...
-
“Dimal Basha, ulu!”, Konjufca i reagon deputetit të Vetëvendosjes që e pengoi deputeten e LDK-së në foltore
Derisa në foltoren e Kuvendit të Kosovës po fliste deputetja e LDK-së, Doarsa...
-
Humb jetën tragjikisht në vend të punës kosovari në Itali
Një ngjarje e rëndë ka ndodhur në Itali, ku një person nga Kosova ka humbur j...
-
E quan ish anëtare të partisë, Manxhuka i reagon Von Cramon për akuzat se po kufizojnë lirinë e shprehjes
Zëdhënësi i Lëvizjes Vetëvendosje, Arlind Manxhuka, i ka reaguar Raportueses ...
-
“Vajzat e gratë në hapësirat e UP-së nuk janë të sigurta”, vendosen jastëk para Rektoratit të UP’së
Organizata “QIKA” ka vendosur disa jastëk para Rektoratit të Universitetit të...
-
Seanca për tenderët “sekretë”, Rrustemi i VV-së: Qeveria Kurti s’ka ministra të korruptuar
Deputeti i Lëvizjes Vetëvendosje, Adnan Rrustemi ka thënë se në kontratat një...
-
Ish-kancelari gjerman ofrohet si ndërmjetës për t’i dhënë fund luftës Ukrainë-Rusi: Ja sesi mund ta bind Putin-in
Ish-kancelari gjerman Gerhard Schroeder është ofruar si ndërmjetës për t’i dh...
-
Vra*ja e rëndë në Kolovicë: Ndalohet edhe njëri prej të plagos*rve që po trajtohej në QKUK
Prishtina u trondit të martën nga dy incidente që ndodhën në orët e pasdites ...
-
Përfaqësues të biznesit amerikan takohen me presidentin kinez
Presidenti kinez Xi Jinping u takua me përfaqësues të qarqeve amerikane të bi...
-
Bastisje në shtëpinë e ish-policit në Zubin Potok i konfiskohet ar*ma dhe disa pjesë të uniformës
Gjatë kontrollit në shtëpinë e një të dyshuari në Zubin Potok, ish-pjesëtar i...