Marrëveshja e arritur dje mes  Komunës së Prishtinës dhe Ministrisë së Ambientit dhe Planifikimit Hapësinorë  për ruajtjen e ambientit ka gjetur zbatim që nga mëngjesi i së mërkurës, shkruan Infokusi.com.

Ndalimi i qarkullimit të veturave në qendër të qytetit të Prishtinës, ndalimi i shitjes së thëngjillit, lirimi nga pagesa e biletave të autobusëve për të gjithë qytetarët që udhëtojnë ne zonat e ndaluara për automjete janë disa nga vendimet e  kësaj marrëveshje.

Përveç autobusëve të qendër të Prishtinës kanë të drejtë lëvizje edhe automjetet emergjente, automjetet e Policisë së Kosovës, automjetet e misioneve diplomatike dhe taksitë e licencuar.

E këta të fundit i ka kontaktuar portali “Infokusi” për të mësuar nëse këto vendime te komunës së Prishtinës kanë ndikuar në rritjen e kërkesave për të shfrytëzuar taksi.

Portali “Infokusi” ka kontaktuar me dy menaxhere të kompanive të taksive të licencuara të cilat kanë të drejtë lëvizjeje në qendër të qytetit të Prishtinës.

Se është rrit numri i kërkesave për të udhëtuar me taksi të licencuar e ka pohuar edhe menaxheri i njërës prej kompanive më të mëdha në kryeqytet.

“Po sot është rrit dukshëm numri i kërkesave për taksi ndërsa destinacionet më të kërkuara janë ato ku është i ndaluar qarkullimi i veturave, në qendër të qytetit”, ka thënë ai.

Ndërsa  pyetur nëse kompania ka kapacitet të përballojë këtë rritje të kërkesave ai ka thënë se po i mbulojnë shumë mirë për shkak të mungesës së komunikacionit

“Pavarësisht se kërkesat për taksi janë rrit shumë, po arrijmë të mbulojmë të gjitha kërkesat sepse rrugët janë të lira nuk ka komunikacion dhe po arrijmë në kohë”, ka shtuar.

E rreth mundësisë për rritje të çmimit ai ka thënë se në kompaninë që ai e udhëheqë nuk do ta ndodhë.

“Edhe nëse kjo ndalesë e qarkullimit të makinave do të vazhdojë ne nuk planifikojmë ngritjen e çmimit, çmimet do të mbesin të njëjta”, ka përfunduar ai.

Rritjen e kërkesave për të shfrytëzuar taksi të licencuar e ka pohuar edhe një menaxher tjetër i një kompanie të taksive të Prishtinë.

“ Kërkesat për taksi janë rrit dukshëm që nga mëngjesi, ndërsa përveç udhëtarëve besnikë destinacionet e sotme janë kryesisht në qendër të Prishtinës”, ka thënë ai.

Edhe ky menaxher e ka pohuar se nuk do të ketë rritje të çmimit të taksive edhe nëse kërkesat do të rritën edhe më tej. A.Ç/Infokusi

Comodita në Las Vegas Market prezanton linjat e reja të dyshekëve për tregun amerikan

Sponsoruar