Lajme

Rrëzohet një helikopter ushtarak në Kroaci, ekuipazhi në kërkim

Autori: Gazeta inFokus 19:24 | 27 January 2020

Ministria e Mbrojtjes e Kroacisë njoftoi se një helikopter ushtarak i tipit Kiowa Warrior është rrëzuar në zonën e ishullit Zlarin gjatë një fluturimi stërvitor.

“Helikopteri Kiowa OH-58 D u rrëzua në zonën ishujve Zlarin dhe Zlaç gjatë një fluturimi stërvitor që filloi në orën 10:30 të ditës së hënë, 27 janar 2020”, njoftoi ministria kroate.

Helikopteri ka rënë në Detin Adriatik, ndërsa dy anije janë dërguar në vendin e ngjarjes, informoi policia kroate.

-Advertisement-

Policia tha se në vendin e ngjarjes janë dërguar edhe të gjitha shërbimet e tjera relevante.

Autoritetet njoftuan se janë marrë të gjitha masat dhe aktualisht po vazhdojnë aktivitetet për gjetjen dhe shpëtimin e ekuipazhit dhe se detajet do të njoftohen në kohë të duhur.

Subscribe në YouTube: GAZETA INFOKUSI
Marsi sjell Magji në ETC

Të tjera

Fokusi

lajme