Lajme

‘Rrëzimi i avionit egjiptian në Detin Mesdhe, nuk ishte një akt terrorist’

Autori: Gazeta inFokus 08:32 | 08 May 2017

Sipas hetuesve francezë ai që shkaktoi rrëzimin e avionit egjiptian në detin Mesdhe një vit më parë nuk ishte një akt terrorist. Autoritetet franceze këmbëngulin se tragjedia ndodhi si pasojë e shpërthimit të një tableti në kabinën e pilotëve.

Hetuesit francezë që janë marrë me tragjedinë ajrore të Airbus të Egypt air të rrëzuar në Detin Mesdhe në 19 maj të vitit 2016 me 66 persona në bord, nuk kanë gjetur asnjë gjurmë eksplozivi tek viktimat. Lajmi është publikuar nga e përditshmja franceze Le Figaro.

Përfundimi i autoriteteve franceze hedh poshtë në këtë mënyrë atë të autoriteteve egjiptiane.

-Advertisement-

Sipas hetuesve francezë tragjedia është shkaktuar nga shpërthimi i një tableti në kabinën e pilotëve.

Sipas hetuesve egjiptianë në trupat e viktimave të tragjedisë ajrore, 12 prej të cilave francezë, ishin gjetur gjurmë eksplozivi.

“Teza e egjiptianëve se avioni ka shpërthyer si pasojë e një bombe të vendosur në avion kur ai gjendej në aeroportin e Roissy duhet përjashtuar,” shkruan ndër të tjera Le Figaro.

Sipas informacioneve të marra nga agjencia e lajmeve AFP, hetuesit francezë kanë një tjetër tezë për zjarrin e shpërthyer në bord, duke thënë se ka qenë shpërthimi i tabletit që e ka shkaktuar atë.

Subscribe në YouTube: GAZETA INFOKUSI
Etiketa:

Të tjera

Fokusi

lajme