Lajme

“Rrezikoni të mbeteni me probleme në zemër”, ja çfarë thotë studimi i ri rreth Covid-19

Autori: Gazeta inFokus 06:56 | 11 February 2022

Një studim i ri mbi koronavirusin ka dalë në një përfundim shqetësues. Edhe pse mund ta kenë kaluar sëmundjen, një pjesë e njerëzve të prekur prej saj rrezikojnë të mbeten me probleme në zemër.

Madje më i madh, risku duket se paraqitet tek ata që kanë pasur simptoma të buta dhe nuk kanë përfunduar në spital prej Covid 19-tës. “Ky virus, vërtet që duket se nuk kursen njeri”, tha për Reuters Ziyad Al-Aly i Universitetit të Washingtonit.

“Njerëzit e prekur nga koronavirusi duket t`ia vënë veshin shëndetit e të kërkojnë ndihmë mjekësore nëse kanë dhimbje gjoksi, nëse ndiejnë një lloj peshe në gjoks, kanë rrahje të shpeshta zemre, enjtje të këmbëve etj”, shtoi ai.

-Advertisement-

Studimi i ri amerikan vjen në një kohë kur administrata Biden gjendet nën trysninë për të lehtësuar kufizimet e lidhura me pandeminë. Shtetet që e kanë humbur durimin, mes tyre Nju Jorku që drejtohet nga një guvernatore demokrate, e kanë bërë të qartë se nuk do të presin Uashingtonin ndërsa irritimi publik po rritet.

Në fillim të kësaj jave, Nju Xhjersi, Konektikati dhe Dellaueri bënë publike plane për t’iu bashkuar atyre shteteve që kanë hequr ose nuk kanë pasur kurrë urdhra në fuqi, për mbatjen e maskave në shkolla. Shteti i Masaçusetsit do të ndjekë shembullin në fund të këtij muaji. Të gjitha këto shtete, përveç Masacusetsit, drejtohen nga guvernatorë demokratë.

Më shumë se 2,000 njerëz po humbin jetën çdo ditë në vend si pasojë e COVID-it dhe brenda administratës ka zëra kundër heqjes dorë nga kufizimet pavarësisht se numri i vdekjeve vazhdon të jetë i lartë.

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme