Lajme

Rrezarta Krasniqi: 350 mijë euro u shpenzuan për lluks dhe “tallava” në “Davos”, ndërkohë Kosova nuk siguroi asnjë njohje të re

Autori: Gazeta inFokus 21:51 | 23 January 2025

Deputetja e Lidhjes Demokratike të Kosovës, Rrezarta Krasniqi, ka reaguar pas publikimit të një videoje, ku përfaqësues të Kosovës shihen duke vallëzuar në Davos të Zvicrës, ku po mbahet Forumi Ekonomik Botëror.

Krasniqi theksoi se 350 mijë euro të taksave të qytetarëve të Kosovës u shpenzuan për luks dhe “tallava” në Davos, ndërkohë që Kosova  nuk siguroi asnjë njohje të re dhe asnjë anëtarësim në organizata ndërkombëtare.

“350 mijë euro të taksave të qytetarëve të Kosovës u shpenzuan për luks dhe “tallava” në Davos, ndërkohë që Kosova nuk siguroi asnjë njohje të re dhe asnjë anëtarësim në organizata ndërkombëtare. Dhe kjo ndodh pikërisht kur vendi është nën masa sanksionuese nga BE-ja!”, ka deklaruar ajo.

-Advertisement-

Po ashtu shtoi se po shfrytëzohen turpshëm parat publike për shfaqje boshe dhe pa asnjë rezultat konkret për Kosovën.

“Ky është shfrytëzim i turpshëm i parave publike dhe një dështim total i diplomacisë. Në vend që të punojnë për heqjen e sanksioneve dhe avancimin e interesave të shtetit, ata shpenzojnë para të taksapaguesve për shfaqje boshe, pa asnjë rezultat konkret për Kosovën”, ka thënë Krasniqi.

Ndryshe ajo tha se kjo nuk është as diplomaci dhe as përfaqësim i dinjitetshëm.

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme